Arn­ar Þór Viðars­son, þjálf­ari ís­lenska karla­landsliðsins í knatt­spyrnu, gat ekki valið alla þá leik­menn sem hann hafði hug á að velja í landsliðshóp sinn fyr­ir ný­af­staðna leiki gegn Armen­íu og Liechten­stein í undan­keppni HM.

Þetta herma heim­ild­ir mbl.is.

Hinn 27. sept­em­ber barst stjórn Knatt­spyrnu­sam­bands Íslands tölvu­póst­ur frá aðgerðahópn­um Öfgum en inni­hald tölvu­pósts­ins var flokkað sem trúnaðar­mál á stjórn­ar­fundi sam­bands­ins sem fram fór 30. sept­em­ber.

Frétt af mbl.is

Stjórn KSÍ barst er­indi frá aðgerðasinn­um

Dag­inn eft­ir til­kynnti Arn­ar Þór svo leik­manna­hóp sinn fyr­ir leik­ina tvo sem fram fóru 8. og 11. októ­ber á Laug­ar­dals­velli. Marg­ir leik­menn, sem hafa verið lyk­il­menn í liðinu und­an­far­in ár, voru þar fjar­ver­andi.

Frétt af mbl.is

Yf­ir­lýs­ing Arons: Gagn­rýn­ir KSÍ harðlega

Tölvu­póst­ur Öfga inni­hélt meðal ann­ars nöfn á sex leik­mönn­um karlaliðsins og dag­setn­ing­ar yfir meint of­beld­is- og kyn­ferðis­brot þeirra sam­kvæmt heim­ild­um mbl.is. Þá var landsliðsþjálf­ar­inn einnig sakaður um að gera lítið úr meint­um þolend­um með orðavali sínu í sam­skipt­um sín­um við fjöl­miðla.

Aron Ein­ar Gunn­ars­son og Gylfi Þór Sig­urðsson hafa ekki tekið þátt í síðustu leikj­um ís­lenska karla­landsliðsins. mbl.is/​Krist­inn Magnús­son

Ekki gjald­geng­ir í landsliðið

Aron Ein­ar Gunn­ars­son, Kol­beinn Sigþórs­son og Gylfi Þór Sig­urðsson hafa all­ir verið nafn­greind­ir í ís­lensk­um fjöl­miðlum fyr­ir meint brot en hinir þrír hafa ekki verið nafn­greind­ir. Þeir hafa all­ir verið fasta­menn í ís­lenska landsliðshópn­um und­an­far­inn ára­tug og eiga all­ir að baki fjölda lands­leikja fyr­ir A-landsliðið.

Frétt af mbl.is

Ekki ósátt við fjar­veru Arons Ein­ars

Mál landsliðsmann­anna er nú til skoðunar hjá Sig­ur­björgu Sig­urpáls­dótt­ur, sam­skiptaráðgjafa íþrótta- og æsku­lýðsstarfs. Hún tók til starfa á vor­mánuðum eft­ir að mennta- og menn­ing­ar­málaráðuneytið setti lög um starfið síðastliðið haust.

Frétt af mbl.is

Kol­beinn og Rún­ar Már detta út úr hópn­um

„Mark­mið sam­skiptaráðgjafa er að auka ör­yggi í íþrótta- og æsku­lýðsstarfi barna, ung­menna og full­orðinna,“ að því er fram kem­ur á heimasíðu sam­skiptaráðgjafa.

Frétt af mbl.is

Gylfi sakaður um brot gegn barni

Ekki er ljóst hvenær niðurstaða fæst í mál landsliðsmann­anna sex en á meðan mál­in eru til skoðunar hjá sam­skiptaráðgjafa íþrótta- og æsku­lýðsstarfs eru þeir ekki gjald­geng­ir í ís­lenska landsliðið, að því er heim­ild­ir mbl.is herma.

Ein­hverj­ir þeirra gætu þó tekið þátt í loka­leikj­um undan­keppn­inn­ar í nóv­em­ber, gegn Rúm­en­íu og Norður-Makedón­íu ytra, ef niðurstaða fæst á næstu vik­um.

Tengd­ar frétt­ir

Kyn­ferðis­brot inn­an KSÍ

Lands­rétt­ur mild­ar þriggja ára nauðgun­ar­dóm

• „Stjórn­ar­menn og starfs­menn til margra ára hrökkluðust í burtu“
• Braut per­sónu­vernd­ar­lög – Óljóst um miska­bæt­ur
• Mál Arons og Eggerts fellt niður
• Landsliðsferl­in­um lokið?

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Jó­hann Elías­son: ER "STJÓRN­LEYSI" AÐ TAKA YFIR FLEST ALLA ÞÆTTI Í ÞJÓÐFÉLAGNU …
• Frikk­inn: er þetta ekki lög­reglu­mál ????
• Ómar Geirs­son: Gróa mætt í vinn­una.