Hræðilegasta vika lífs míns

„Ég hefði aldrei trúað þessu,“ viður­kenndi Hall­dór Smári Sig­urðsson, leikja­hæsti leikmaður í sögu Vík­ings úr Reykja­vík, í sam­tali við mbl.is eft­ir að liðið tryggði sér bikar­meist­ara­titil­inn í fót­bolta með því að vinna 3:0-sig­ur á ÍA í dag.

Vík­ing­ur fagnaði Íslands­meist­ara­titli á dög­un­um og er því tvö­fald­ur meist­ari, eft­ir erfitt tíma­bil þar á und­an. „Ég vissi að við vær­um með gott lið en að við vær­um orðnir svona góðir á svona stutt­um tíma, ég hefði ekki trúað því.“

Hall­dór viður­kenn­ir að loka­töl­urn­ar gefi ekki endi­lega rétta mynd af leikn­um, en bæði lið fengu tæki­færi til að skora fleiri mörk.

„Skaga­menn voru flott­ir í dag. Þeir pressuðu okk­ur of­ar­lega og komu okk­ur smá á óvart. Völl­ur­inn var líka þung­ur og þetta var ekki auðvelt. 3:0 gef­ur ekki endi­lega rétta mynd á leikn­um.“

Hall­dór viður­kenn­ir að til­finn­ing­in hafi verið öðru­vísi í dag en í aðdrag­anda leiks­ins gegn Leikni í deild­inni, þar sem Vík­ing­ur tryggði sér að lok­um Íslands­meist­ara­titil­inn.

„Ég var mikið ró­legri fyr­ir þenn­an leik. Þetta var hræðileg­asta vika lífs míns áður en við tryggðum Íslands­meist­ara­titil­inn, ég var svo stressaður. Þar sem hinn titil­inn var kom­inn gat maður farið ró­legri inn í þenn­an leik. Að vinna þenn­an er bara bón­us og því­lík­ur bón­us,“ sagði Hall­dór.  

• 1 blogg um frétt­ina

Bloggað um frétt­ina

• Ingólf­ur Sig­urðsson: Íslands­meist­ara­tit­ill sem gleður