Sárgrætilegt tap og Ísland í umspil
Setja bókamerki
Íslenska kvennalandsliðið í fótbolta þarf að sætta sig við sæti í umspili um farmiðann á sitt fyrsta lokamót heimsmeistaramótsins eftir sárgrætilegt 0:1-tap gegn Hollandi í Utrecht í lokaleik sínum í C-riðli í undankeppninni í kvöld.
Esmee Brugts skoraði sigurmark Hollands í uppbótartíma eftir hetjulega baráttu íslenska liðsins. Með sigrinum tryggði Holland sér efsta sæti riðilsins og sæti á lokamótinu en Ísland þarf að fara í umspil í næsta mánuði.
Á einhvern óskiljanlegan hátt var staðan markalaus í hálfleik, en yfirburðir hollenska liðsins voru gríðarlegir. Liðið skapaði sér fullt af færum og hvað eftir annað fór Renate Jansen illa með íslensku vörnina á hægri kantinum.
Fyrirgjafir og hættulegir sprettir kantmannsins sköpuðu mikinn usla, en íslenska liðið slapp með skrekkinn í fyrri hálfleik.
Jill Roord átti fyrsta færi Hollendinga í fyrri hálfleik á tíundu mínútu en þá varði Sandra Sigurðardóttir vel frá henni. Eftir því sem leið á hálfleikinn varð hollenska sóknin hættulegri og íslenska liðið fór í nauðvörn.
Daniëlle Van De Donk átti skot í slá á 25. mínútu og tveimur mínútum síðar fékk hún algjört dauðafæri þegar hún fékk boltann nánast á marklínu en Sandra varði stórkostlega og á lygilegan hátt fór boltinn ekki yfir marklínuna.
Renate Jansen átti annað skot Hollands í slánna í fyrri hálfleiknum á 28. mínútu er hún lagði boltann innanfótar yfir Söndru og í tréverkið. Stefanie van der Gragt átti svo stórhættulegan skalla á 43. mínútu en þá varði Sandra í slánna og kom enn og aftur í veg fyrir mark.
Besta og í raun eina færi Íslands í fyrri hálfleiknum kom á 41. mínútu þegar Gunnhildur Yrsa Jónsdóttir setti boltann nokkuð yfir úr teignum eftir sprett hjá Sveindísi Jane Jónsdóttur. Þrátt fyrir yfirburði Hollands var staðan þó markalaus í leikhléi.
Hollenska liðið var áfram sterkara í upphafi seinni hálfleiks og Jill Roord átti hættulegan skalla á 50. mínútu eftir fyrirgjöf frá vinstri kanti en Sandra ver snögg niður og varði virkilega vel.
Ísland fékk afar gott færi til að skora fyrsta mark leiksins á 72. mínútu þegar Gunnhildur Yrsa Jónsdóttir átti flotta fyrirgjöf frá hægri á Sveindísi sem var í dauðafæri á fjærstönginni en hitti ekki boltann.
Varamaðurinn Damaris Egurrola var hársbreidd frá því að koma Hollandi yfir á 78. mínútu en hún skallaði í stöng eftir fyrirgjöf frá hægri og Ísland slapp enn og aftur með skrekkinn.
Þegar íslenska liðið virtist vera að halda út og tryggja sér á sitt fyrsta lokamót HM kom rýtingurinn í uppbótartíma. Esmee Brugts átti fyrirgjöf frá vinstri sem sigldi framhjá öllum og í markhornið hægra megin. Stephanie van Der Gragt truflaði Glódísi Perlu og Söndru en engin þeirra snerti boltann, 1:0. Niðurstaðan var einstaklega svekkjandi fyrir íslenska liðið, sem spilaði betur í seinni hálfleik en þeim fyrri.
| Holland | 1:0 | Ísland |
|
|---|---|---|---|
| Sandra gerir vel í að handsama boltann eftir fyrirgjöf frá hægri. Við fáum að vita uppbótartímann eftir augnablik. | |||
Forstjóri bendir á ábyrgð birgja vegna verðhækkana
Barn lést í árásinni
Samfylking og Viðreisn gáfu loforð
„Börn heima sem maður myndi vilja hafa í skjóli“
Þetta eru ráðherrar ríkisstjórnarinnar
Ók á hóp fólks á jólamarkaði: Einn látinn
Ný ríkisstjórn kynnt á morgun
„Þetta er ríkisstjórn almannahagsmuna“
