„Það tók smá tíma að innprenta það í menn en Lars [Lagerbäck] var fljótur að heilaþvo okkur eins og hefur oft verið talað um,“ sagði knattspyrnumaðurinn og fyrrverandi landsliðsmaðurinn Birkir Már Sævarsson, í Fyrsta sætinu, íþróttahlaðvarpi mbl.is og Morgunblaðsins, þegar rætt var um íslenska karlalandsliðið í fótbolta.

Sama hver mótherjinn var

Birkir Már, sem er 38 ára gamall, lagði landsliðsskóna á hilluna árið 2021 en hann var hluti af gullaldarliði Íslands sem fór á tvö mót og lék alls 103 A-landsleik fyrir Ísland.

„Hugsunarhátturinn var sá að við værum að fara vinna þennan leik, sama hver mótherjinn var,“ sagði Birkir Már.

„Eftir nokkra leiki var þetta orðið innstimplað í okkur og það kom enginn á Laugardalsvöll og gerði eitthvað án þess að þurfa hafa mjög mikið fyrir því,“ sagði Birkir Már meðal annars.

Umræðan um komandi landsleiki og íslenska karlalandsliðið hefst á 7. mínútu en hægt er að hlusta á umræðuna í heild í spil­ar­an­um hér fyr­ir ofan. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Menn láta misgáfulega hluti út úr sér“
• „Það er ekkert vont í samanburði við það að fæða barn“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Það má samt strax sjá möguleikana.