Óþægilega mikil hrútalykt úr höfuðstöðvum KSÍ

Kosið verður um nýj­an formann Knatt­spyrnu­sam­bands Íslands á 78. ársþingi KSÍ sem fram fer í íþróttamiðstöðinni í Úlfarsár­dal laug­ar­dag­inn 24. fe­brú­ar. Guðni Bergs­son, Vign­ir Már Þormóðsson og Þor­vald­ur Örlygs­son gefa all­ir kost á sér í embætti for­manns KSÍ.

Vanda Sig­ur­geirs­dótt­ir, frá­far­andi formaður sam­bands­ins, gef­ur ekki kost á sér í embættið eft­ir tvö ár í starfi. Þá mun Klara Bjart­marz, sem hef­ur starfað fyr­ir hreyf­ing­una und­an­far­in 30 ár og verið fram­kvæmda­stjóri KSÍ í níu ár, einnig láta af störf­um í lok fe­brú­ar. Sömu sögu er að segja um Borg­hildi Sig­urðardótt­ur, sem gef­ur ekki kost á sér til setu í stjórn KSÍ, en hún hef­ur verið vara­formaður sam­bands­ins und­an­far­in ár.

Það er því ljóst að kon­um inn­an knatt­spyrnu­hreyf­ing­ar­inn­ar fer mjög fækk­andi. Helga Helga­dótt­ir og Tinna Hrund Hlyns­dótt­ir sitja þó áfram og verða einu kon­urn­ar í stjórn­inni en sjö karl­menn berj­ast nú um fjög­ur laus sæti í stjórn­inni.

Karl­menn eru ágæt­ir en knatt­spyrnu­hreyf­ing­in þarf á kon­um að halda og eft­ir næsta ársþing sam­bands­ins er ljóst að hrúta­lykt­in verður óþægi­lega mik­il úr höfuðstöðvum KSÍ.

Það er skort­ur á kven­kynsþjálf­ur­um og það er líka skort­ur á kven­kyns­dómur­um. Af hverju ættu kon­ur að vilja þjálfa eða dæma ef kon­ur fást ekki til þess að gegna stjórn­ar­störf­um hjá stærsta sér­sam­band­inu?

Bakvörðinn má sjá í heild sinni á íþrótt­asíðum Morg­un­blaðsins í dag.