Byrjunarlið Íslands: Fimm breytingar

Åge Hareide, þjálfari íslenska karlalandsliðsins í fótbolta, hefur opinberað byrjunarliðið fyrir leik Íslands gegn Ísrael í undanúrslitum umspilsins fyrir lokamót EM. Leikið er í Búdapest í kvöld.

Frétt af mbl.is

Þrenna Alberts og Ísland í úrslitaleikinn

Norðmaðurinn gerir fimm breytingar frá síðasta keppnisleik, sem var gegn Portúgal á útivelli í undankeppninni.

Daníel Leó Grétarsson kemur inn í vörnina og þeir Hákon Arnar Haraldsson og Arnór Ingvi Traustason koma inn á miðsvæðið. Þá eru þeir Albert Guðmundsson og Orri Steinn Óskarsson fremstu menn.

Hjörtur Hermannsson, Jón Dagur Þorsteinsson, Ísak Bergmann Jóhannesson, Jóhann Berg Guðmundsson og Albert Finnbogason byrjuðu gegn Portúgal, en ekki í kvöld.

Mark: Hákon Rafn Valdimarsson
Vörn: Guðlaugur Victor Pálsson, Sverrir Ingi Ingason, Daníel Leó Grétarsson, Guðmundur Þórarinsson.
Miðja: Willum Þór Willumsson, Hákon Arnar Haraldsson, Arnór Ingvi Traustason, Arnór Sigurðsson.
Sókn: Albert Guðmundsson, Orri Steinn Óskarsson.

• 1 blogg um fréttina

Bloggað um fréttina

• Torfi Kristján Stefánsson: Hæpið val á byrjunarliðinu