FHL tryggði sér sæti í Bestu deildinni

FHL tryggði sér sæti í Bestu deild kvenna með 5:1 sigri gegn ÍBV í 1. deild kvenna í knattspyrnu á Reyðarfirði í dag. Þetta er fyrsta Austurlandsliðið í efstu deild í 30 ár en Höttur var síðast árið 1994. 

Úrslitin í dag þýða að FHL er á toppnum með 37 stig en ÍBV er í fjórða sæti með 22 stig.  

Emma Hawkins kom FHL yfir á 5. mínútu með marki úr vítaspyrnu, 1:0.  

Hawkins tvöfaldaði forystu FHL snemma í síðari hálfleik. Á 56. mínútu skoraði Selena Salas úr vítaspyrnu og kom FHL í 3:0.  

Ágústa María Valtýsdóttir minnkaði muninn fyrir ÍBV á 70. mínútu.  

Emma Hawkins skoraði sitt þriðja mark á 81. mínútu. Hún er markahæst í deildinni með 24 mörk í 14 leikjum.  

Samantha Rose Smith innsiglaði sigur FHL með marki á 89. mínútu. Fleiri urðu mörkin ekki og endaði leikurinn með 5:1 sigri FHL.  

• 1 blogg um fréttina

Bloggað um fréttina

• Hjörtur Herbertsson: Alltaf....