Tyrkir með sigurmark á síðustu mínútu

 Tyrkland sigraði Sviss, 2:1, í síðari leik dagsins í A-riðlinum á Evrópumótinu í knattspyrnu í Basel í Sviss í dag og skoruðu sigurmarkið í uppbótartíma.

Hakan Yakin kom Svisslendingum yfir á 32. mínútu en varamaðurinn Semih Sentürk jafnaði fyrir Tyrki á 57. mínútu. Það var svo á þriðju mínútu í uppbótartíma sem Arda Turan skoraði sigurmark Tyrkja, 2:1.

Fylgst var með gangi mála í beinni textalýsingu hér á mbl.is. Smellið hér.