Strippar ef Ítalía vinnur

Ef ítalska landsliðinu í knattspyrnu tekst að hysja upp um sig buxurnar frá því í landsleiknum við Holland á mánudaginn hefur hin funheita ítalska fyrirsæta Elena Santarelli lofað því að fækka fötum í beinni útsendingu á þarlendri MTV-sjónvarpsstöð.

„Ef þeim tekst að vinna Rúmeníu þá fer ég úr fötunum í beinni útsendingu,“  sagði Santarelli í sjónvarpsviðtali, en Ítalir mæta Rúmenum kl. 16 í dag í öðrum leik sínum á Evrópumótinu í Sviss og Austurríki. Heimsmeistararnir, sem lágu illa fyrir Hollandi í fyrsta leik 3:0, eru staðráðnir í að bæta sinn leik og hafa nú hlotið ærna ástæðu til þess. Víst er að ítalskir karlmenn munu hvetja þá til dáða.

• 1 blogg um fréttina

Bloggað um fréttina

• Þórður Helgi Þórðarson: Þetta er alvöru kona!