Íþróttir | EM í fótbolta 2009 | mbl | 29.8.2009 | 19:05 | Uppfært 30.8.2009 5:59

EM: Þrjár breytingar á byrjunarliðinu

Guðbjörg Gunnarsdóttir verður í markinu á móti Þjóðverjum. mbl.is/Algarvephotopress

Sigurður Ragnar Eyjólfsson, þjálfari íslenska kvennalandsliðsins í knattspyrnu, gerir þrjár breytingar á byrjunarliði Íslands fyrir lokaleik liðsins í úrslitakeppni EM, gegn Þjóðverjum á sunnudag. Þjóðirnar mætast á Tampere-leikvanginum og hefst leikurinn kl. 13:00 að íslenskum tíma.

Leikkerfið er hefðbundið og óbreytt frá síðasta leik - Fjögurra manna varnarlína, tveir varnartengiliðir, einn sóknartengiliður, marksæknir kantmenn og einn miðframherji - en áherslurnar breytast þó aðeins og mun liðið liggja aðeins aftar en í fyrstu tveimur leikjunum.

Katrín Ómarsdóttir kemur aftur inn á miðjuna í stað Dóru Stefánsdóttur, Sif Atladóttir kemur í hægri bakvörðinn í stað Ernu B. Sigurðardóttur og Guðbjörg Gunnarsdóttir verður á milli stanganna í stað Þóru B. Helgadóttur.

Markvörður