„Töpuðum fyrir besta liði heims“
Setja bókamerki
Karim Benzema, framherji franska landsliðsins í knattspyrnu, sagði eftir ósigurinn gegn Spánverjum á EM í kvöld að Frakkar hefðu einfaldlega tapað fyrir besta liði heims.
„Hvað vantaði hjá okkur? Mörk,“ sagði Benzema við franska sjónvarpið eftir 2:0 sigur Spánverja.
„Við töpuðum fyrir besta liði í heimi. Þetta var mjög erfitt en við spiluðum vel og áttum frábæran leik að mínu mati. Við fengum á okkur mark í fyrsta færinu sem þeir náðu að skapa sér og það sló okkur út af laginu. Við erum að vonum vonsviknir en á móti ánægðir að hafa komist í átta liða úrslitin. Þetta voru vonbrigði því við vissum að við gætum unnið þá,“ sagði Benzema.
Karim Benzema í baráttu við Cesc Fabregas.
AFP
