Balotelli: Stórkostlegar sendingar
Setja bókamerki
Mario Balotelli var auðmjúkur eftir að hafa tryggt Ítalíu sæti í úrslitaleik Evrópumótsins með tveimur mörkum í 2:1 sigri á Þýskalandi í kvöld.
„Þetta voru tvö afar mikilvæg mörk. Fyrra markið kom eftir ótrúlega sendingu frá Antonio Cassano og var mjög auðvelt. Þegar Cassano gefur stoðsendinguna þá er auðvelt að skora,“ sagði Balotelli.
„Seinna markið var eftir glæsilega sendingu frá Montolivo. Venjulega skýt ég í hitt hornið en í þetta sinn valdi ég nærhornið,“ bætti hann við.
Ítalía mætir Spáni í úrslitaleiknum á sunnudagskvöld.
„Ásamt Spáni þá erum við bestu liðin í mótinu. Getum við unnið? Ég skal segja ykkur það á sunnudaginn,“ sagði Balotelli.
Balotelli skoraði tvö mörk fyrir Ítalíu í kvöld.
AFP
