Líður eins og á Shellmótinu
Jón Daði Böðvarsson sýnir knatttækni sína á æfingu íslenska liðsins í dag.
AFP
Setja bókamerki
„Sólin er það sterk að ég þarf að nota sólarvörn með styrkleikann 50. Annars er ég bara sáttur við lífið og tilveruna hér í Annecy,“ sagði Jón Daði Böðvarsson, leikmaður íslenska landsliðsins í knattspyrnu, í samtali við heimasíðu KSÍ fyrir æfingu íslenska liðsins í dag.
„Ég get ekki beðið eftir því að byrja, það er geggjuð tilfinning að vera kominn hingað og að mótið sé handan við hornið. Tilfinning er svipuð og þegar ég fór á Shellmótið á sínum tíma, en þetta er vissulega aðeins stærra,“ sagði Jón Daði enn fremur.
Viðtalið í heild sinni má sjá hér að neðan.
