Stórkostleg byrjun á EM
Setja bókamerki
Tengdar fréttir
EM 2016 í fótbolta
Íslenska landsliðið byrjaði Evrópumótið með glæsibrag en 1:1 urðu úrslitin í viðureign Íslands og Portúgals í Saint-Étienne í kvöld.
Það var Birkir Bjarnason sem jafnaði metin fyrir Íslendinga á 50. mínútu þegar hann skoraði af stuttu færi eftir frábæra fyrirgjöf Jóhanns Bergs Guðmundssonar.
Portúgalar réðu ferðinni lengst af leiksins og þeir komust yfir á 31. mínútu þegar Nani skoraði af stuttu færi en strax í upphafi leiks fékk Gylfi Þór Sigurðsson mjög gott færi en skotið fór beint á markvörðinn.
Íslendingar fengu svo óskabyrjun í síðari hálfleik þegar Birkir jafnaði metin og með frábærri baráttu tókst íslenska liðinu að halda út gegn Cristiano Ronaldo og samherjum hans sem voru orðnir mjög pirraðir á baráttuglöðum leikmönnum Íslands sem sýndu svo sannarlega hetjulega baráttu. Alfreð Finnbogason kom inná undir lokin og komst í gott færi sem markvörður Portúgala varði og á lokamínútunum reyndu Portúgalar að knýja fram sigurmarkið en án árangurs.
Fyrsta stigið á Evrópumótinu í höfn og næsti leikur liðsins er á móti Ungverjum í Marseille á laugardaginn.
| Portúgal | 1:1 | Ísland |
|
|---|---|---|---|
| Jóhann Berg Guðmundsson (Ísland) fer af velli | |||
Tengdar fréttir
EM 2016 í fótbolta
