Í ótrúlegri vítaspyrnukeppni þar sem sjö leikmönnum brást bogalistin var það Hector sem skoraði sigurmarkið og Þjóðverjar mæta Frökkum eða Íslendingum í undanúrslitunum í Marseille á fimmtudaginn.

„Ég vissi að ég yrði að taka vítaspyrnu á einhverjum tímapunkti og ég var með lífið í lúkunum. Það er erfitt að setja þetta í orð en ég var yfir mig ánægður að sjá boltann fara inn,“ sagði þessi 26 ára gamli leikmaður Kölnar.