Margrét Lára: Ég fékk smá áfall
Margrét Lára Viðarsdóttir er hluti af íslenska fjölmiðlahópnum á Englandi.
mbl.is/Eggert Jóhannesson
Setja bókamerki
„Ég fékk smá áfall um daginn,“ sagði fyrrverandi landsliðsfyrirliðinn Margrét Lára Viðarsdóttir í Dætrum Íslands, EM-hlaðvarpi mbl.is.
Margrét Lára, sem er 35 ára gömul, á að 124 A-landsleiki þar sem hún hefur skorað 79 mörk en hún er fjórða leikjahæsta landsliðskona Íslands frá upphafi.
Hún hefur getið sér gott orð sem sérfræðingur um fótbolta í ljósvakamiðlum og er unga kynslóðin farin að þekkja hana vel þar.
„Ég var stödd í Krónunni um daginn og þar heyri ég tvo litla stráka segja við móður sína, þegar ég geng framhjá; er þetta ekki sjónvarpskonan?,“ sagði Margrét Lára.
„Ég er semsagt bara komin þangað,“ bætti Margrét Lára í léttum tón.
Hægt er að hlusta á þáttinn í heild sinni í spilaranum hér fyrir neðan.
