Ísland hafnaði í sjötta sæti á EM

Ísland þurfti að sætta sig við grát­legt 33:34-tap fyr­ir Nor­egi eft­ir fram­lengd­an leik þegar liðin kepptu um fimmta sætið á EM 2022 í Búdapest í Ung­verjalandi í dag. Nor­eg­ur tryggði sér þar með sæti á HM á næsta ári en Ísland þarf að fara í um­spil um sæti á mót­inu.

Norðmenn tóku snemma öll völd og voru komn­ir í þriggja marka for­ystu, 3:6, eft­ir tæp­lega tíu mín­útna leik.

Ísland náði að minnka mun­inn niður í 5:6 en Nor­eg­ur náði ávallt að kom­ast í þriggja marka for­ystu á ný.

Ómar Ingi Magnús­son skoraði 10 mörk og var val­inn maður leiks­ins í leiks­lok. Ljós­mynd/​Szil­via Michell­er

Eft­ir tæp­lega 19 mín­útna leik náðu Norðmenn fjög­urra marka for­ystu í fyrsta sinn í leikn­um, 7:11, og varn­ar- og sókn­ar­leik­ur Íslend­inga í tals­verðum ólestri.

Norðmenn voru á hinn bóg­inn sterk­ir í vörn­inni og knúðu þannig Íslend­inga til þess að tapa fjölda bolta í sókn­inni.

Auk þess var norska liðið öfl­ugt sókn­ar­lega og virt­ust raun­ar flest­ar sókn­ir þeirra enda með marki. Það þrátt fyr­ir að Vikt­or Gísli Hall­gríms­son hafi staðið vel fyr­ir sínu í marki Íslands með því að verja sjö skot í fyrri hálfleik.

Norðmenn voru við stjórn allt til enda hálfleiks­ins og leiddu með fjór­um mörk­um, 12:16, í leik­hléi.

Elv­ar Örn Jóns­son sæk­ir að norsku vörn­inni. Ljós­mynd/​Szil­via Michell­er

Ísland hóf síðari hálfleik­inn af mikl­um krafti og var fljót­lega búið að minnka mun­inn niður í aðeins eitt mark, 17:18.

Norðmenn brugðust við því með því að skora þrjú mörk í röð og náðu þar með fjög­urra marka for­ystu á ný.

Íslend­ing­ar voru þó ekki á því að gef­ast upp og náðu aft­ur að minnka niður í eitt mark, 22:23.

Íslandi auðnaðist loks að jafna met­in eft­ir tæp­lega 49 mín­útna leik. Staðan orðin 24:24 og því allt í járn­um það sem eft­ir lifði leiks.

Þegar rúm mín­úta lifði leiks náði Ísland for­yst­unni, 27:26, í fyrsta sinn í leikn­um frá því að liðið komst í 2:1, en Norðmenn jöfnuðu met­in strax í næstu sókn.

Síðustu sókn­ir beggja liða fóru hins veg­ar í vaskinn og staðan því 27:27 að lokn­um venju­leg­um leiktíma. Þar með þurfti að grípa til fram­leng­ing­ar.

Minnstu mátti muna að Elv­ar Örn Jóns­son tryggði Íslandi sig­ur þegar Ýmir Örn Gísla­son fyr­irliði vann bolt­ann í loka­sókn Nor­egs, Elv­ar Örn var fljót­ur að hugsa og kastaði bolt­an­um yfir all­an völl­inn en skotið rétt fram­hjá auðu mark­inu og leiktím­inn rann út.

Jan­us Daði Smára­son svíf­ur í gegn­um vörn Norðmanna. Ljós­mynd/​Szil­via Michell­er

Í fram­leng­ing­unni var áfram allt í járn­um þar sem liðin náðu mest eins marks for­ystu. Har­ald Reinkind skoraði síðasta mark leiks­ins á loka­sek­úndu 70. mín­útu leiks­ins í síðari hluta fram­leng­ing­ar og tryggði þannig Norðmönn­um sig­ur­inn.

Ómar Ingi Magnús­son átti enn einn stór­leik­inn fyr­ir Ísland. Skoraði hann tíu mörk í dag og var val­inn maður leiks­ins að hon­um lokn­um.

Er Ómar Ingi lang­marka­hæsti leikmaður EM með 59 mörk.

Jan­us Daði Smára­son sneri þá feyki­lega öfl­ug­ur aft­ur eft­ir að hafa verið í ein­angr­un und­an­farna sex daga og skoraði átta mörk, þar af fjög­ur í fram­leng­ing­unni.

Elv­ar Örn var þá frá­bær bæði í vörn og sókn. Skoraði hann sex mörk úr sjö skot­um í sókn­inni og braut í fjölda skipta lög­lega af sér í vörn­inni.

Sand­er Sagosen reynd­ist ís­lensku vörn­inni oft erfiður og skoraði átta mörk. Næst­ur á eft­ir hon­um kom Reinkind með sex mörk.

Ómar Ingi Magnús­son skýt­ur að marki Norðmanna í leikn­um í dag. Ljós­mynd/​Szil­via Michell­er

Um­spil um sæti á HM í sum­ar

Sæti á HM 2023 í Póllandi og Svíþjóð var í boði fyr­ir sig­ur­veg­ar­ann í leikn­um um fimmta sætið og kom það sem áður seg­ir í hlut Nor­egs þrátt fyr­ir magnaða end­ur­komu Íslands í síðari hálfleik í leik dags­ins.

Um­spil bíður því Íslands í sum­ar þar sem liðið mun spila tvo leiki, heima og að heim­an.

Ljóst er að Ísland verður í efri styrk­leika­flokki í um­spil­inu og get­ur því ekki mætt sterk­um þjóðum á borð við Króa­tíu, Þýskalandi, Ung­verjalandi, Hollandi, Svart­fjalla­landi, Rússlandi, Serbíu eða Tékklandi.

Ísland	33:34	Nor­eg­ur	Opna lýs­ingu Loka
70. mín. Jan­us Daði Smára­son (Ísland) skoraði mark Áttunda mark Janus­ar Daða! Þrumu­skot upp í sam­skeyt­in nær!
Ómar Ingi Magnússon - 10 / 2 Janus Daði Smárason - 8 Elvar Örn Jónsson - 6 Bjarki Már Elísson - 5 / 2 Sigvaldi Björn Guðjónsson - 2 Ólafur Guðmundsson - 1 Ýmir Örn Gíslason - 1 Mörk 8 / 2 - Sander Sagosen 6 - Harald Reinkind 5 - Christian O'Sullivan 5 - Thomas Solstad 3 - Kevin Gulliksen 2 - Erik Thorsteinsen Toft 2 - Sebastian Barthold 1 - Kristian Björnsen 1 - Endre Langaas 1 - Kent Robin Tönnesen Viktor Gísli Hallgrímsson - 9 / 1 Ágúst Elí Björgvinsson - 3 Varin skot 8 / 2 - Kristian Sæverås 8 Mín Brottvísanir 10 Mín Sebastian Barthold mín. 70 Leik lokið Norðmenn fara með nauman sigur af hólmi og tryggja sér fimmta sætið á EM og sæti á HM á næsta ári í leiðinni. Ísland hafnar í sjötta sæti á EM. 70 33 : 34 - Harald Reinkind (Noregur) skoraði mark Reinkind skorar á lokasekúndunni, Viktor Gísli varði skotið í markið. Dómararnir skoðuðu í VAR hvort markið skyldi standa og komust að þeirri niðurstöðu að svo væri. 70 33 : 33 - Janus Daði Smárason (Ísland) skoraði mark Áttunda mark Janusar Daða! Þrumuskot upp í samskeytin nær! 69 32 : 33 - Sander Sagosen (Noregur) skorar úr víti Skotið í hnéð á Viktori Gísla og þaðan í netið. Hrikalega svekkjandi! 69 Christian O'Sullivan (Noregur) fiskar víti 68 Kristian Sæverås (Noregur) varði skot Ver frá Ými Erni sem rétt náði að slá boltann í átt að honum eftir sendingu Elvars Arnar. 67 32 : 32 - Christian O'Sullivan (Noregur) skoraði mark Það gerir O'Sullivan líka! 67 32 : 31 - Janus Daði Smárason (Ísland) skoraði mark Brýst í gegn og skorar! 67 31 : 31 - Endre Langaas (Noregur) skoraði mark Skorar af línunni eftir sendingu Sagosen. 66 31 : 30 - Elvar Örn Jónsson (Ísland) skoraði mark Elvar Örn kemur Íslandi yfir! 66 Viktor Gísli Hallgrímsson (Ísland) varði skot Ver frá Langas! 66 Leikur hafinn Norðmenn hefja síðari framlenginguna. 65 30 : 30 - Christian O'Sullivan (Noregur) skoraði mark Gott skot af löngu færi alveg út við stöng. 65 30 : 29 - Janus Daði Smárason (Ísland) skoraði mark Janus Daði er ekki meiddari en svo að hann skorar tvö mörk með bylmingsskotum! 64 Noregur tapar boltanum Ruðningur dæmdur á O'Sullivan! 64 29 : 29 - Janus Daði Smárason (Ísland) skoraði mark 63 28 : 29 - Harald Reinkind (Noregur) skoraði mark Norðmenn eru komnir yfir á ný. 63 Ísland tapar boltanum Ruðningur dæmdur á Elvar Örn. 62 28 : 28 - Sander Sagosen (Noregur) skoraði mark Norðmenn jafna þá metin. 62 Janus Daði Smárason (Ísland) skýtur framhjá Fer í gegn og skýtur framhjá. Meiddist á öxl og þarf að fara af velli. 62 Noregur tapar boltanum Misheppnuð sending frá Sagosen ætluð Solstad og boltinn fer aftur fyrir! 61 28 : 27 - Ýmir Örn Gíslason (Ísland) skoraði mark Ýmir Örn fær boltann frá Janusi Daða og skorar fyrsta mark sitt í leiknum! 61 Leikur hafinn Íslendingar byrja með boltann í framlengingunni. 60 Leik lokið Staðan er jöfn að loknum venjulegum leiktíma og því þarf að grípa til framlengingar! 60 Elvar Örn Jónsson (Ísland) skýtur framhjá Ýmir Örn vinnur boltann, Elvar Örn kastar yfir allan völlinn en skotið framhjá auðu markinu! 60 Noregur tapar boltanum 60 Noregur tekur leikhlé Norðmenn taka þá leikhlé og geta þá stillt upp í eina lokasókn! 18 sekúndur eftir! 60 Ísland tapar boltanum Lína dæmd á Bjarka Má sýndist mér! 60 Ísland tekur leikhlé Guðmundur tekur leikhlé þegar 39 sekúndur eru eftir af leiknum! 59 27 : 27 - Christian O'Sullivan (Noregur) skoraði mark Norðmenn jafna strax metin! 59 27 : 26 - Elvar Örn Jónsson (Ísland) skoraði mark Frábært skot á milli varnarmanna Noregs og Ísland kemst yfir! 58 Noregur tapar boltanum Ruðningur dæmdur á Reinkind! 58 Ísland tapar boltanum Ruðningur dæmdur á Ómar Inga! 57 Noregur tapar boltanum Ruðningur dæmdur á O'Sullivan! 56 26 : 26 - Ómar Ingi Magnússon (Ísland) skoraði mark Tíunda mark Ómars Inga! Brýst í gegn og kemur boltanum í bláhornið fjær. 55 25 : 26 - Kristian Björnsen (Noregur) skoraði mark Norðmenn refsa strax. 55 Ísland tapar boltanum Ýmir Örn ekki tilbúinn að fá sendinguna frá Ómari Inga. 55 Vetle Aga Eck (Noregur) fékk 2 mínútur Hangir í Janusi Daða. 54 Harald Reinkind (Noregur) skýtur yfir Höndin komin upp og Reinkind skýtur hátt yfir úr erfiðri stöðu! 53 25 : 25 - Bjarki Már Elísson (Ísland) skoraði mark Fær sendinguna frá Elvari Erni og þrumar boltanum í netið! 52 Ágúst Elí Björgvinsson (Ísland) varði skot Ver aftur frá Gulliksen sem var aleinn í gegn eftir hraðaupphlaup! Les hann alveg og grípur svo boltann! 52 Ísland tapar boltanum Misheppnuð sending frá Janusi Daða. 51 Ágúst Elí Björgvinsson (Ísland) varði skot Ver frá Gulliksen úr hægra horninu! 51 Elvar Ásgeirsson (Ísland) fékk 2 mínútur Hangir í Reinkind. 50 Ísland tapar boltanum Ruðningur dæmdur á Elvar Örn. 50 24 : 25 - Sander Sagosen (Noregur) skoraði mark Skorar úr þröngu færi. 49 Noregur tekur leikhlé Norðmönnum líst ekkert á það að Íslendingar séu búnir að jafna metin og fara aðeins yfir málin. 49 24 : 24 - Ómar Ingi Magnússon (Ísland) skoraði mark Geggjuð gabbhreyfing og frábært skot eftir að höndin var komin upp hjá dómurunum! Loksins jafna okkar menn! 48 Noregur tapar boltanum Boltinn dæmdur af Norðmönnum! 47 23 : 24 - Janus Daði Smárason (Ísland) skoraði mark Lagleg gabbhreyfing og flott skot í gólfið og þaðan í netið! 47 22 : 24 - Sander Sagosen (Noregur) skorar úr víti Neglir boltanum í stöngina og inn. 47 Harald Reinkind (Noregur) fiskar víti Elvar Örn brýtur á honum innan teigs. 46 22 : 23 - Ómar Ingi Magnússon (Ísland) skoraði mark Áttunda mark Ómars Inga, setur boltann á milli fóta Sæveras og munurinn aftur eitt mark! 45 Ágúst Elí Björgvinsson (Ísland) varði skot Ver frá Reinkind! 44 Sebastian Barthold (Noregur) rautt spjald Fer utan í Sigvalda Björn þegar hann skorar, dómararnir fara í VAR og ákveða að útiloka Barthold frá frekari þátttöku í leiknum í dag. 44 21 : 23 - Sigvaldi Björn Guðjónsson (Ísland) skoraði mark Skorar með lúmsku skoti undir Sæveras. 44 20 : 23 - Christian O'Sullivan (Noregur) skoraði mark 43 20 : 22 - Ómar Ingi Magnússon (Ísland) skorar úr víti Setur boltann á milli fóta Heieren. Munurinn aftur orðinn tvö mörk. 43 Elvar Örn Jónsson (Ísland) fiskar víti 43 Sander Sagosen (Noregur) fékk 2 mínútur Fer í skothöndina á Elvari Erni. 42 Erik Thorsteinsen Toft (Noregur) skýtur yfir Skotið hátt yfir markið. 42 19 : 22 - Ómar Ingi Magnússon (Ísland) skoraði mark Skorar af miklu harðfylgi úr því sem leit út fyrir að vera alveg vonlaust færi. 41 18 : 22 - Harald Reinkind (Noregur) skoraði mark Afar fast skot langt fyrir utan sem Viktor Gísli ver í netið. 40 18 : 21 - Elvar Örn Jónsson (Ísland) skoraði mark Þrumuskot fyrir utan, öflugur í sókninni í dag! 39 17 : 21 - Sebastian Barthold (Noregur) skoraði mark Norðmenn skora þrjú mörk í röð og munurinn aftur orðinn fjögur mörk. 39 Ísland tapar boltanum Ólafur missir boltann. 38 17 : 20 - Thomas Solstad (Noregur) skoraði mark Enn finnur Sagosen Solstad á línunni. 38 Kristian Sæverås (Noregur) varði skot Ver frá Janusi Daða. 37 Elvar Örn Jónsson (Ísland) fékk 2 mínútur Fleygði Reinkind í gólfið áður en Sagosen fékk dæmdan ruðning á sig. 37 Noregur tapar boltanum Ruðningur dæmdur á Sagosen. 37 Kristian Sæverås (Noregur) varði skot Ver frá Janusi Daða sem var í þröngu færi. 36 17 : 19 - Sander Sagosen (Noregur) skoraði mark Laglegt gegnumbrot og Sagosen skorar annað mark sitt í röð. 36 17 : 18 - Bjarki Már Elísson (Ísland) skoraði mark Snögg sókn og Bjarki Már lætur ekki bjóða sér opið skotfæri tvisvar! 35 16 : 18 - Sander Sagosen (Noregur) skoraði mark Flott gabbhreyfing og Sagosen skorar. 35 16 : 17 - Elvar Örn Jónsson (Ísland) skoraði mark Hörkuskot af miklu harðfylgi og munurinn er orðinn eitt mark! 34 Kevin Gulliksen (Noregur) skýtur framhjá Opið færi í hægra horninu en skotið framhjá markinu! 34 15 : 17 - Ómar Ingi Magnússon (Ísland) skorar úr víti Skorar af miklu öryggi og munurinn orðinn tvö mörk. 33 Janus Daði Smárason (Ísland) fiskar víti 33 Sebastian Barthold (Noregur) brennir af víti 33 Viktor Gísli Hallgrímsson (Ísland) ver víti Frábærlega varið! Áttunda skotið sem hann ver í dag. 33 Sigvaldi Björn Guðjónsson (Ísland) fékk 2 mínútur Hefði viljað fá ruðning á O'Sullivan en fær þess í stað tvær mínútur. 33 Christian O'Sullivan (Noregur) fiskar víti 32 14 : 17 - Ómar Ingi Magnússon (Ísland) skoraði mark Frábær gabbhreyfing hjá Ómari Inga sem kemur boltanum svo í nærhornið! 32 13 : 17 - Harald Reinkind (Noregur) skoraði mark Sagosen kemur boltanum á Reinkind sem skorar. 31 13 : 16 - Elvar Örn Jónsson (Ísland) skoraði mark Sleppur í gegn í vinstri skyttustöðunni og skorar með flottu skoti! 31 Leikur hafinn Íslendingar hefja síðari hálfleikinn. 30 Hálfleikur Reinkind þrumar í varnarvegginn úr aukakasti á lokasekúndunni og Norðmenn fara því með fjögurra marka forystu til leikhlés. 30 Noregur tekur leikhlé Norðmenn hafa 20 sekúndur til þess að komast í fimm marka forystu í fyrsta skipti í leiknum. 30 Bjarki Már Elísson (Ísland) brennir af víti Boltinn fer af Sæveras og að miðjunni en Norðmenn ná frákastinu. Gulliksen og Sigvaldi Björn lenda í árekstri í baráttunni um boltann þar sem okkar maður heldur um andlitið. Það virðist þó vera í lagi með hann. 30 Kristian Sæverås (Noregur) ver víti 30 Kent Robin Tönnesen (Noregur) fékk 2 mínútur 30 Ýmir Örn Gíslason (Ísland) fiskar víti 29 Kevin Gulliksen (Noregur) á skot í stöng 29 Ómar Ingi Magnússon (Ísland) skýtur framhjá Talsvert framhjá markinu eftir langa sókn. Höndin var komin upp og Ómar Ingi þurfti að skjóta. 28 12 : 16 - Erik Thorsteinsen Toft (Noregur) skoraði mark Þrumuskot langt fyrir utan en Viktor Gísli ver það í netið. 28 Kristian Sæverås (Noregur) varði skot Ver frá Ólafi. 27 12 : 15 - Thomas Solstad (Noregur) skoraði mark Fær línusendingu frá O'Sullivan og skorar fjórða mark sitt. 26 12 : 14 - Bjarki Már Elísson (Ísland) skoraði mark Viktor Gísli fljótur að átta sig og kemur boltanum á Bjarka Má sem er aleinn í gegn og skorar auðveldlega. 26 Christian O'Sullivan (Noregur) skýtur yfir Hátt yfir markið! 26 Ómar Ingi Magnússon (Ísland) skýtur yfir Skotið í gólfið og yfir markið. 25 11 : 14 - Erik Thorsteinsen Toft (Noregur) skoraði mark Skotið af mjög löngu færi reynist Viktori Gísla ofviða. 24 11 : 13 - Bjarki Már Elísson (Ísland) skorar úr víti Skorar af gífurlegu öryggi! Upp í samskeytin. 24 Ómar Ingi Magnússon (Ísland) fiskar víti 23 10 : 13 - Sebastian Barthold (Noregur) skoraði mark Fyrstur að átta sig, nær frákastinu og skorar. 23 Kent Robin Tönnesen (Noregur) á skot í stöng Norðmenn ná frákastinu. 22 10 : 12 - Sigvaldi Björn Guðjónsson (Ísland) skoraði mark Fyrsta mark Sigvalda Björns í dag! 21 9 : 12 - Kent Robin Tönnesen (Noregur) skoraði mark Tönnesen kemst á blað. Gott skot fyrir utan. 21 9 : 11 - Janus Daði Smárason (Ísland) skoraði mark Íslendingar tapa boltanum en vinna hann jafnharðan aftur og Janus Daði sleppur í gegn og skorar auðveldlega. 21 Noregur tapar boltanum 21 Ísland tapar boltanum 20 Viktor Gísli Hallgrímsson (Ísland) varði skot Gulliksen fær opið skotfæri í hægra horninu en Viktor Gísli sér við honum! 20 8 : 11 - Ólafur Guðmundsson (Ísland) skoraði mark Fær boltann frá Janusi Daða, brýst í gegn og setur boltann á milli fóta Sæveras. 19 7 : 11 - Thomas Solstad (Noregur) skoraði mark Sagosen finnur Solstad á línunni og hann skorar. Fjögurra marka forysta Noregs í fyrsta skipti í leiknum. 19 Ýmir Örn Gíslason (Ísland) fékk 2 mínútur Fyrir að hanga í Sagosen. 18 Kristian Sæverås (Noregur) varði skot Elvar aleinn í gegn en Sæveras ver vel frá honum. 17 7 : 10 - Christian O'Sullivan (Noregur) skoraði mark Fyrsta mark hans í leiknum. Varnarleikur íslenska liðsins er ekki að ganga nægilega vel upp. 17 7 : 9 - Ómar Ingi Magnússon (Ísland) skoraði mark Stekkur upp talsvert fyrir utan og boltinn á milli fóta Sæveras og í netið! 17 Harald Reinkind (Noregur) fékk 2 mínútur Togar í treyjuna á Bjarka Má. 16 6 : 9 - Harald Reinkind (Noregur) skoraði mark Brýtur sér leið í gegn og skorar með hörkuskoti. 16 6 : 8 - Bjarki Már Elísson (Ísland) skorar úr víti Skorar af öryggi og er kominn á blað! 16 Janus Daði Smárason (Ísland) fiskar víti 15 5 : 8 - Kevin Gulliksen (Noregur) skoraði mark Norðmenn bruna fram og Gulliksen skorar sitt þriðja mark. 15 Elvar Ásgeirsson (Ísland) á skot í stöng 14 Textalýsing Leikurinn er stöðvaður eftir að Þráinn Orri snýr illa upp á vinstra hnéið á sér. Vonum innilega að þetta sé ekki neitt alvarlegt. 14 5 : 7 - Harald Reinkind (Noregur) skoraði mark Norðmenn svara strax. 13 5 : 6 - Ómar Ingi Magnússon (Ísland) skoraði mark Fer í gegn og skorar! 13 Viktor Gísli Hallgrímsson (Ísland) varði skot Ver frá O'Sullivan! 12 Ómar Ingi Magnússon (Ísland) brennir af víti Sjaldgæft vítaklúður hjá Ómari Inga. 12 Kristian Sæverås (Noregur) ver víti 12 Janus Daði Smárason (Ísland) fiskar víti 11 Noregur tapar boltanum Ruðningur dæmdur á Reinkind. 11 Ísland tapar boltanum Ruðningur dæmdur á Ómar Inga. 11 Viktor Gísli Hallgrímsson (Ísland) varði skot Ver frá Solstad af línunni! Viktor Gísli er þegar búinn að verja fimm skot! 10 4 : 6 - Janus Daði Smárason (Ísland) skoraði mark Laglegt skot á milli varnarmanna Noregs sem hafnar í nærhorninu! 10 Ísland tekur leikhlé Guðmundi líst ekkert á blikuna. Þremur mörkum undir og nú þegar þrír tapaðir boltar í sókninni. Hann kallar eftir þolinmæði í sókninni. 10 3 : 6 - Sander Sagosen (Noregur) skoraði mark Fer bara sjálfur upp og skorar. 9 Kristian Sæverås (Noregur) varði skot Ver lúmskt skot frá Janusi Daða. 8 3 : 5 - Kevin Gulliksen (Noregur) skoraði mark Opnast allt fyrir hann í hægra horninu og Gulliksen skorar af öryggi. 7 Ísland tapar boltanum Enn tapa Íslendingar boltanum. 6 Ýmir Örn Gíslason (Ísland) gult spjald 7 3 : 4 - Thomas Solstad (Noregur) skoraði mark Skorar tvö mörk í röð af línunni. 6 3 : 3 - Elvar Örn Jónsson (Ísland) skoraði mark Brýst strax í gegn og skorar. 6 2 : 3 - Thomas Solstad (Noregur) skoraði mark 5 Ólafur Guðmundsson (Ísland) gult spjald 5 Ísland tapar boltanum Sagosen stelur boltanum. 4 2 : 2 - Kevin Gulliksen (Noregur) skoraði mark 4 Viktor Gísli Hallgrímsson (Ísland) varði skot Ver aftur frá Sagosen! Norðmenn halda boltanum. 4 2 : 1 - Ómar Ingi Magnússon (Ísland) skoraði mark Fer í gegn og skorar örugglega. 4 Viktor Gísli Hallgrímsson (Ísland) varði skot Þvílík byrjun hjá Viktori Gísla! Ver frá Sagosen. 3 1 : 1 - Janus Daði Smárason (Ísland) skoraði mark Nokkuð óvænt þrumuskot sem syngur í netinu! 2 0 : 1 - Sander Sagosen (Noregur) skoraði mark Sagosen skorar fyrsta markið með þrumuskoti. 2 Viktor Gísli Hallgrímsson (Ísland) varði skot Ver laglega frá Barthold! Norðmenn halda þó boltanum. 0 Ísland tapar boltanum 1 Viktor Gísli Hallgrímsson (Ísland) varði skot Ver þrumuskot frá Reinkind! 1 Leikur hafinn Norðmenn hefja leikinn. 0 Textalýsing Leikmenn eru klárir í slaginn og hlýða á þjóðsöngva. 0 Textalýsing Utan hóps hjá Íslandi eru alls tíu leikmenn. Um er að ræða áðurnefnda sex leikmenn sem eru ekki lausir úr einangrun ásamt hinum meidda Aroni Pálmarssyni fyrirliða, Darra Aronssyni, Bjarna Ófeigi Valdimarssyni og Degi Gautasyni. 0 Textalýsing Hjá Noregi eru líkt og hjá Íslandi sterkir leikmenn fjarverandi þó þeir séu ekki nándar nærri jafn margir. Línumaðurinn Magnus Gullerud og markvörðurinn Torbjörn Bergerud eru báðir smitaðir af veirunni og þar með í einangrun. Christoffer Rambo og Simen Holand Pettersen eru þá utan hóps í dag. 0 Textalýsing Sex leikmenn eru enn í einangrun eftir að hafa smitast. Gísli Þorgeir Kristjánsson, Björgvin Páll Gústavsson (öðru sinni í einangrun), Elliði Snær Viðarsson, Arnar Freyr Arnarsson, Daníel Þór Ingason og Vignir Stefánsson losnuðu ekki úr einangrun í tæka tíð og hafa því lokið keppni á EM. 0 Textalýsing Tveir af þeim íslensku leikmönnum sem hafa verið í einangrun vegna kórónuveirusmits undanfarna daga eru lausir úr henni og koma inn í leikmannahópinn í dag. Þetta eru Janus Daði Smárason og Ólafur Andrés Guðmundsson. Taka þeir sæti Arons Pálmarssonar, sem er meiddur, og Darra Aronssonar frá því í síðasta leik. 0 Textalýsing Ísland og Noregur leika um fimmta sæti Evrópumóts karla í Búdapest klukkan 14.30 en sigurvegarinn í leiknum tryggir sér jafnframt öruggt sæti i lokakeppni heimsmeistaramótsins í Svíþjóð og Póllandi á næsta ári. Sjá meira Sjá allt Dómarar: Andreu Marin og Ignacio García, Spáni Gangur leiksins: 2:2, 4:6, 5:8, 8:11, 11:14, 12:16, 16:18, 18:21, 21:23, 24:25, 25:26, 27:27.30:30, Lýsandi: Gunnar Egill Daníelsson Völlur: MVM Dome, Budapest Multifunctional Arena Áhorfendafjöldi: 7.165 Ísland: Ágúst Elí Björgvinsson (M), Viktor Gísli Hallgrímsson (M). Janus Daði Smárason, Viggó Kristjánsson, Bjarki Már Elísson, Elvar Örn Jónsson, Ýmir Örn Gíslason, Ólafur Guðmundsson, Ómar Ingi Magnússon, Sigvaldi Björn Guðjónsson, Kristján Örn Kristjánsson, Teitur Örn Einarsson, Orri Freyr Þorkelsson, Elvar Ásgeirsson, Magnús Óli Magnússon, Þráinn Orri Jónsson. Noregur: Kristian Sæverås (M), Sander Heieren (M). Vetle Aga Eck, Sander Sagosen, Sebastian Barthold, Sander Överjordet, Petter Överby, Erik Thorsteinsen Toft, Kent Robin Tönnesen, Kristian Björnsen, Christian O'Sullivan, Harald Reinkind, Endre Langaas, Thomas Solstad, Kevin Gulliksen, Alexander Blonz.

• 1 blogg um frétt­ina

Bloggað um frétt­ina

• Ómar Ragn­ars­son: 5 senti­metr­ar og brot úr sek­úndu réðu úr­slit­um.