Hver mistökin á fætur öðrum gegn Ungverjum

Íslenska karla­landsliðið í hand­knatt­leik sá aldrei til sól­ar þegar liðið mætti Ung­verjalandi í loka­leik sín­um í C-riðli Evr­ópu­móts­ins í Ólymp­íu­höll­inni í München í kvöld. 

Leikn­um lauk með stór­sigri Ung­verja, 33:25, en liðið hafði tryggt sér sæti í mill­iriðlum áður en kom að leik kvölds­ins eft­ir sig­ur Svart­fjall­lands gegn Serbíu í fyrri leik riðils­ins fyrr um dag­inn.

Ísland end­ar í öðru sæti riðils­ins með 3 stig og fer án stiga inn í mill­iriðil­inn þar sem Frakk­land, Þýska­land, Króatía og Aust­ur­ríki verða mót­herj­ar liðsins í Lanx­ness-höll­inni í Köln.

Máté Lékai skoraði fyrsta mark leiks­ins eft­ir þriggja mín­útna leik en Bjarki Már Elís­son var fljót­ur að jafna met­in með lag­legu marki úr hraðaupp­hlaupi.

Liðin skipt­ust á að skora eft­ir þetta en Ung­verj­ar voru þó með frum­kvæðið á fyrstu mín­út­um leiks­ins.

Sig­valdi Björn Guðjóns­son kom Íslandi yfir í fyrsta sinn í leikn­um eft­ir sex mín­út­una leik, 4:3, eft­ir hraða sókn ís­lenska liðsins en Bence Imre jafnaði met­in í 4:4 strax í næstu sókn.

Bjarki Már Elís­son kom Íslandi yfir, 5:4, með marki úr vinstra horn­inu en Gá­bor Ancs­in jafnaði met­in jafn harðan fyr­ir Ung­verja í 5:5, og allt í járn­um eft­ir fyrstu tíu mín­út­ur leiks­ins.

Besti leikmaður Ung­verja fékk rautt

Eft­ir sex mín­útna leik dró til tíðinda þegar Bence Bán­hidi, línumaður Ung­verja, fékk að líta rauða spjaldið fyr­ir að fara aft­an í Gísla Þor­geir Kristjáns­son sem var að brjóta sér leið í gegn­um vörn Ung­verja. Gísli lá óvíg­ur eft­ir en gat engu að síður haldið leik áfram en at­vikið átti sér stað í stöðunni 6:5, Ung­verj­um í vil.

Þá kom hins veg­ar arfaslak­ur kafli hjá ís­lenska liðinu og eft­ir að Elv­ar Örn Jóns­son jafnaði met­in í 7:7 eft­ir fimmtán mín­út­una leik skoruðu Ung­verj­ar þeir Zoltán Szita tví­veg­is fyr­ir Ung­verja og Egon Han­usz bætti öðru marki við fyr­ir Ung­verja­land og staðan allt í einu orðin 10:7, Ung­verj­um í vil.

Snorri Steinn Guðjóns­son, þjálf­ari ís­lenska liðsins, ákvá þá að taka leik­hlé og Ómar Ingi Magnús­son var fljót­ur að minnka mun­inn í eitt mark, 10:9, fyrst af vítalín­unni og svo eft­ir lag­lega sókn ís­lenska liðsins.

Gekk illa að minnka mun­inn

Bjarki Már Elís­son fékk gullið tæki­færi til þess að jafna met­in í 10:10 þegar tutt­ugu mín­út­ur voru liðnar af leikn­um en Kristóf Palasics varði frá hon­um úr sann­kölluðu dauðafæri og Ísland áfram marki und­ir, 10:9.

Gísli Þor­geir Kristjáns­son fékk einnig tæki­færi til þess að jafna met­in í 10:10 en skot hans, eft­ir að hann braut sér lag­lega leið í gegn­um vörn Ung­verja, fór í stöng­ina og svo aft­ur í stöng­ina.

Ben­deg­úz Bóka kom Ung­verj­um svo aft­ur tveim­ur mörk­um yfir, 11:9, þegar rúm­lega sjö mín­út­ur voru eft­ir af fyrri hálfleik en Ómar Ingi Magnús­son minnkaði mun­inn strax í næstu sókn með frá­bæru skoti utan teigs.

Ung­verj­ar skoruðu hins veg­ar tví­veg­is í röð og komust aft­ur þrem­ur mörk­um yfir, 13:10, þegar fimm mín­út­ur voru eft­ir af fyrri hálfleik.

Náðu að laga stöðuna fyr­ir hálfleik

Ómar Ingi Magnús­son fékk tæki­færi til að minnka mun­inn í tvö mörk en ví­tak­ast hann fór í slánna og yfir og strax í næstu sókn skoraði Egon Han­usz og kom Ung­verj­um fjór­um mörk­um yfir í fyrsta sinn í leikn­um, 14:10.

Viggó Kristjáns­son minnkaði mun­inn í þrjú mörk með marki af vítalín­unni og Aron Pálm­ars­son braut sér svo leið í gegn­um vörn Ung­verja og minnkaði mun­inn í tvö mörk, 14:12, þegar ein og hálf mín­úta var eft­ir af fyrri hálfleik.

Ung­verj­ar tóku leik­hlé, sem skilaði ekki ár­angri, því liðið kastaði frá sér bolt­an­um strax í næstu sókn, Viggó Kristjáns­son brunaði upp í sókn og minnkaði mun­inn í eitt mark, 14:13.

Gá­bor Ancs­in skoraði hins veg­ar síðasta mark hálfleiks­ins og kom Ung­verj­um tveim­ur mörk­um yfir, 15:13, úr von­lausri stöðunni í horn­inu, og þannig var staðan í hálfleik.

Fimm marka mun­ur Ung­verja

Ger­gö Fazekas skoraði fyrsta mark síðari hálfleiks og kom Ung­verj­um aft­ur þrem­ur mörk­um yfir 16:13.  Viggó Kristjáns­son átti skot fyr­ir utan sem Palasics í marki Ung­verja varði nokkuð auðveld­lega og Fazekas skoraði strax í næstu sókn og kom Ung­verjalandi fjór­um mörk­um yfir á nýj­an leik, 17:13.

Aron Pálm­ars­son minnkaði mun­inn fyr­ir Ísland í þrjú mörk, 17:14, með fal­legu skoti utan teigs og liðin skipt­ust svo á að skora eft­ir þetta en alltaf voru Ung­verj­ar með frum­kvæðið í leikn­um.

Dom­inik Mát­hé kom Ung­verjalandi svo fimm mörk­um yfir, 20:15, þegar sjö mín­út­ur voru liðnar af síðari hálfleik.

Ung­verj­ar voru áfram skrefi á und­an og Miklós Rosta kom þeim sex mörk­um yfir af lín­unni, 24:18, þegar tíu mín­út­ur voru liðnar af síðari hálfleik.

Ung­verj­ar stungu af

Þá tók Snorri Steinn Guðjóns­son leik­hlé en það bar lít­inn ár­ang­ur því ís­lenska liðið kastaði bolt­an­um frá sér strax í næstu sókn.

Pat­rik Liget­vári kom Ung­verj­um svo sjö mörk­um yfir, 25:18, þegar rúm­lega fimmtán mín­út­ur voru til leiks­loka og út­litið orðið frek­ar dökkt hjá ís­lenska liðinu.

Ung­verj­ar héldu áfram að auka for­skot sitt og mun­ur­inn á liðunum var allt í einu orðinn níu mörk þegar tíu mín­út­ur voru til leiks­loka.

Íslenska liðinu tókst að aldrei að ógna for­skoti Ung­verja­lands á síðustu tíu mín­út­um leiks­ins og Ung­verj­ar fögnuðu ör­ugg­um sigri í leiks­lok og fara inn í mill­iriðlakeppn­ina með tvö stig.

Ómar Ingi Magnús­son og Viggó Kristjáns­son voru marka­hæst­irr hjá ís­lenska liðinu með fimm mörk hvor. Þá varði Vikt­or Gísli Hall­gríms­son átta skot í marki ís­lenska liðsins.

Ísland	25:33	Ung­verja­land	Opna lýs­ingu Loka
60. mín. Miklós Rosta (Ung­verja­land) skoraði mark Af lín­unni.
Viggó Kristjánsson - 8 / 4 Ómar Ingi Magnússon - 5 / 2 Elliði Snær Viðarsson - 3 Aron Pálmarsson - 3 Bjarki Már Elísson - 2 Sigvaldi Björn Guðjónsson - 2 Janus Daði Smárason - 1 Elvar Örn Jónsson - 1 Mörk 5 - Egon Hanusz 5 - Zoltán Szita 4 - Miklós Rosta 4 - Gábor Ancsin 4 / 1 - Dominik Máthé 4 - Gergö Fazekas 4 - Bence Imre 1 - Bendegúz Bóka 1 - Patrik Ligetvári 1 - Máté Lékai Viktor Gísli Hallgrímsson - 10 Björgvin Páll Gústavsson - 2 Varin skot 10 / 1 - Kristóf Palasics 8 Mín Brottvísanir 12 Mín Bence Bánhidi mín. 60 Leik lokið Mjög slök frammistaða Íslands í kvöld. Íslenska liðið átti ekkert meira skilið út úr þessum leik. 60 25 : 33 - Viggó Kristjánsson (Ísland) skoraði mark Hans áttunda mark. 60 24 : 33 - Miklós Rosta (Ungverjaland) skoraði mark Af línunni. 59 Ísland tapar boltanum 59 24 : 32 - Dominik Máthé (Ungverjaland) skoraði mark Negla fyrir utan. 58 Sigvaldi Björn Guðjónsson (Ísland) skýtur framhjá Fer illa með gott færi. Ekki búinn að eiga góðan dag. 58 Viktor Gísli Hallgrímsson (Ísland) varði skot Frá Lékai. 57 Stiven Tobar Valencia (Ísland) á skot í slá Í gólfið og í slána. 57 24 : 31 - Egon Hanusz (Ungverjaland) skoraði mark Fær að fara nálægt vörninni og skorar. 57 24 : 30 - Viggó Kristjánsson (Ísland) skorar úr víti Enn skorar Viggó. Sjöunda markið. 57 Stiven Tobar Valencia (Ísland) fiskar víti 56 23 : 30 - Gergö Fazekas (Ungverjaland) skoraði mark Þarna átti Viktor að gera mikið betur. 56 23 : 29 - Viggó Kristjánsson (Ísland) skoraði mark Viggó orðinn markahæstur á vellinum með sex mörk. 56 Viktor Gísli Hallgrímsson (Ísland) varði skot 54 22 : 29 - Viggó Kristjánsson (Ísland) skoraði mark Ruðningur og Viggó skorar yfir allan völlinn í autt mark. 54 Ungverjaland tapar boltanum 54 21 : 29 - Aron Pálmarsson (Ísland) skoraði mark Gott skot af gólfinu. 54 Adrián Sipos (Ungverjaland) fékk 2 mínútur Fór harkalega í Hauk. 53 20 : 29 - Egon Hanusz (Ungverjaland) skoraði mark 52 20 : 28 - Janus Daði Smárason (Ísland) skoraði mark Góð gabbhreyfing. Hans fyrsta mark. 52 19 : 28 - Dominik Máthé (Ungverjaland) skorar úr víti 52 Miklós Rosta (Ungverjaland) fiskar víti Ungverjar geta náð níu marka forskoti. 51 Haukur Þrastarson (Ísland) á skot í slá Óheppinn þarna. 51 19 : 27 - Miklós Rosta (Ungverjaland) skoraði mark Af línunni. Nú er aðeins spurning hve stór tapið verður. 50 Kristóf Palasics (Ungverjaland) varði skot Mættur í hornið og ver frá Hauki. 50 Ungverjaland tapar boltanum Ýmir verst vel. 49 Ísland tapar boltanum Ómar snöggur að tapa boltanum. 49 Viktor Gísli Hallgrímsson (Ísland) varði skot Innkoma Viktors er jákvætt. 48 19 : 26 - Ómar Ingi Magnússon (Ísland) skoraði mark Gegnumbrot. Er markahæstur hjá Íslandi með fimm mörk. 48 Viktor Gísli Hallgrímsson (Ísland) varði skot Frá Bóka sem var í góðu færi. 48 Elliði Snær Viðarsson (Ísland) fékk 2 mínútur Fór harkalega í Lékai. 47 Ísland tapar boltanum Haukur hittir ekki á Elliða. Þetta versnar bara og versnar. 47 18 : 26 - Miklós Rosta (Ungverjaland) skoraði mark Átta marka munur. 46 Stiven Tobar Valencia (Ísland) skýtur framhjá Fer illa með gott færi. Haukur gaf á hann en hefði betur farið sjálfur í gegn. Var kominn í betra færi en Stiven var í. 46 Adrián Sipos (Ungverjaland) fékk 2 mínútur Ýtti í bakið á Gísla. 45 Viktor Gísli Hallgrímsson (Ísland) varði skot Frá Lékai. 45 Kristóf Palasics (Ungverjaland) varði skot Frá Sigvalda sem var í dauðafæri. 44 18 : 25 - Patrik Ligetvári (Ungverjaland) skoraði mark Þetta er orðið ansi ljótt. Tapaður bolti eftir mjög slaka sókn og hraðaupphlaup í andlitið. 44 Ísland tapar boltanum 43 Viggó Kristjánsson (Ísland) fékk 2 mínútur Ísland fær samt sem áður boltann. 43 Textalýsing Dómararnir ætla að skoða brot Viggós í VAR og hvort hann eigi að fá rautt spjald eða bara brottvísun. Þetta var ansi langt frá því að vera mjög gróft. Yrði stórfurðulegt að reka hann af velli með rautt fyrir þetta. 43 Viktor Gísli Hallgrímsson (Ísland) varði skot Frá Fazekas úr dauðafæri. Glæsileg varsla. 42 Ísland tapar boltanum Íslenska liðið vinnur boltann en klúðrar síðan hraðaupphlaupinu. 42 Ísland tapar boltanum Vond fyrsta sókn eftir leikhléið. 41 Ísland tekur leikhlé Snorri vill skiljanlega ræða við sína menn. Þetta er basl. 41 18 : 24 - Miklós Rosta (Ungverjaland) skoraði mark Galopinn á línunni. Íslenska liðið í basli á báðum endum. Munurinn sex mörk. 41 Elliði Snær Viðarsson (Ísland) skýtur yfir Reynir skotið frá miðlínunni en hittir ekki markið. 40 18 : 23 - Dominik Máthé (Ungverjaland) skoraði mark Skot fyrir utan. Sem fyrr eru Ungverjar að skora mjög einföld mörk. 40 18 : 22 - Sigvaldi Björn Guðjónsson (Ísland) skoraði mark Hratt spil og hornið galopnað. 39 17 : 22 - Zoltán Szita (Ungverjaland) skoraði mark Skot fyrir utan. 39 17 : 21 - Elliði Snær Viðarsson (Ísland) skoraði mark Aron með góða línusendingu. 39 Gergö Fazekas (Ungverjaland) fékk 2 mínútur Vitlaus skipting og Ungverjar fá fyrir það brottvísun. Voru sjö inni á vellinum á sama tíma. 38 16 : 21 - Zoltán Szita (Ungverjaland) skoraði mark Viktor ver boltann inn. Þarna átti hann að gera betur. 38 Viktor Gísli Hallgrímsson (Ísland) varði skot Enn halda Ungverjar boltanum en Viktor er að hitna. 37 Viktor Gísli Hallgrímsson (Ísland) varði skot Kominn aftur inn á og byrjar vel en Ungverjar fá boltann. 37 16 : 20 - Viggó Kristjánsson (Ísland) skorar úr víti Þriðja vítið í röð sem Viggó skorar úr. 100% nýting þar. 37 Viggó Kristjánsson (Ísland) fiskar víti Fær tækifæri til að skora sitt fjórða mark og jafna Ómar Inga. 37 15 : 20 - Dominik Máthé (Ungverjaland) skoraði mark Skot fyrir utan og munurinn fimm mörk í fyrsta skipti. 36 Björgvin Páll Gústavsson (Ísland) varði skot Ver frá Rosta úr dauðafæri en í innkast. 36 Elliði Snær Viðarsson (Ísland) fékk 2 mínútur Fótur. Hlutirnir ekki að ganga upp hjá íslenska liðinu þessa stundina. 35 Ísland tapar boltanum Sigvaldi steig út af. 35 15 : 19 - Gergö Fazekas (Ungverjaland) skoraði mark Negla fyrir utan. Auðveld mörk í hverri sókn hjá Ungverjum. 35 15 : 18 - Viggó Kristjánsson (Ísland) skorar úr víti Öruggur eins og áðan. 34 Aron Pálmarsson (Ísland) fiskar víti Ekki lengi að ná í víti hinum megin. 34 14 : 18 - Egon Hanusz (Ungverjaland) skoraði mark Negla fyrir utan af gólfinu. Vörn og markvarsla slök í upphafi seinni. 33 14 : 17 - Aron Pálmarsson (Ísland) skoraði mark Svarar strax. 33 13 : 17 - Gergö Fazekas (Ungverjaland) skoraði mark Með tvö fyrstu mörk seinni hálfleiks. 32 Kristóf Palasics (Ungverjaland) varði skot Frá Viggó. Af löngu færi og ekki gott skot. 31 13 : 16 - Gergö Fazekas (Ungverjaland) skoraði mark Gegnumbrot. 31 Seinni hálfleikur hafinn Grænklæddir Ungverjar byrja með boltann í seinni. 30 Hálfleikur Ungverjar yfir nánast allan tímann. Munurinn varð mestur fjögur mörk. Ungverjaland byrjar með boltann í seinni. Ekki kjörstaða en heldur betur nóg eftir. 30 13 : 15 - Gábor Ancsin (Ungverjaland) skoraði mark Erfitt færi en skorar samt. 30 13 : 14 - Viggó Kristjánsson (Ísland) skoraði mark Íslenska vörnin stelur boltanum og Viggó skorar í autt markið. Munurinn aðeins eitt mark. Var fjögur rétt áðan. 30 Ungverjaland tekur leikhlé Ungverjar vilja ræða saman. Rúm mínuta eftir af fyrri hálfleik. 29 12 : 14 - Aron Pálmarsson (Ísland) skoraði mark Tvö íslensk mörk í röð og þetta er miklu betra. Sá smá gat á vörninni og skellti sér í gegn. 29 Björgvin Páll Gústavsson (Ísland) varði skot Ver sitt fyrsta skot frá Ancsin. 28 11 : 14 - Viggó Kristjánsson (Ísland) skorar úr víti Viggó fær að spreyta sig núna og hann skorar. 28 Zoran Ilic (Ungverjaland) fékk 2 mínútur Ýtti í bakið á Janusi. 28 Janus Daði Smárason (Ísland) fiskar víti Gott gegnumbrot. 28 Kristóf Palasics (Ungverjaland) varði skot Frá Sigvalda. Ísland heldur boltanum. 27 10 : 14 - Egon Hanusz (Ungverjaland) skoraði mark Gegnumbrot og Ungverjar komnir í góða stöðu. 26 Ómar Ingi Magnússon (Ísland) brennir af víti Í slána. Í annað skipti í þremur leikjum klikkar Ómar á tveimur vítum í sama leiknum. 26 Elliði Snær Viðarsson (Ísland) fiskar víti Janus með góða línusendingu á Elliða. 25 10 : 13 - Bence Imre (Ungverjaland) skoraði mark Hraðaupphlaup. 25 Ísland tapar boltanum Skref á Elvar. 25 10 : 12 - Bence Imre (Ungverjaland) skoraði mark Úr hægra horni. 24 10 : 11 - Ómar Ingi Magnússon (Ísland) skoraði mark Glæsilegt gegnumbrot. Ómar að spila vel. 23 9 : 11 - Bendegúz Bóka (Ungverjaland) skoraði mark Úr vinstra horni og enn eru Ungverjar skrefi á undan. 23 Bjarki Már Elísson (Ísland) fékk 2 mínútur Fótur. 23 Gísli Þorgeir Kristjánsson (Ísland) á skot í stöng Stöngin, stöngin út. Óheppinn. 22 Ungverjaland tapar boltanum Ruðningur. 22 Kristóf Palasics (Ungverjaland) varði skot Frá Bjarka sem var í dauðafæri. 21 Ungverjaland tapar boltanum Kasta boltanum út af. 20 Ísland tapar boltanum Lína á Arnar Frey. 19 Ungverjaland tapar boltanum Íslenska liðið verst vel og getur nú jafnað með sínu þriðja marki í röð. 18 9 : 10 - Ómar Ingi Magnússon (Ísland) skoraði mark Góð gabbhreyfing og munurinn eitt mark. Tvö í röð eftir leikhléið. 18 Bendegúz Bóka (Ungverjaland) skýtur yfir Í gólfið og yfir úr dauðafæri. 17 8 : 10 - Ómar Ingi Magnússon (Ísland) skorar úr víti Klikkar ekki tvisvar í röð. 17 Bjarki Már Elísson (Ísland) fiskar víti Nær frákastinu og nær í víti. 17 Kristóf Palasics (Ungverjaland) varði skot Frá Arnari Frey. 16 Ísland tekur leikhlé Snorri vill ræða við sína menn. Slæmur kafli núna. 16 7 : 10 - Zoltán Szita (Ungverjaland) skoraði mark Hraðaupphlaup eftir aðra slaka sendingu frá Aroni. Þrjú í röð hjá Ungverjalandi á augabragði. 16 7 : 9 - Egon Hanusz (Ungverjaland) skoraði mark Leikur á einn Íslending og kemur Ungverjum aftur tveimur yfir. 16 Ísland tapar boltanum Aron hittir ekki á Bjarka. 15 7 : 8 - Zoltán Szita (Ungverjaland) skoraði mark Af gólfinu fyrir utan. 15 7 : 7 - Elvar Örn Jónsson (Ísland) skoraði mark Eftir eldsnögga sókn. Tvö í röð hjá Íslandi og allt jafnt. 14 Ungverjaland tapar boltanum Lína. 14 Ísland tapar boltanum Ísland tapar boltanum jafnóðum. Klaufalegt. 14 Ungverjaland tapar boltanum 13 Viktor Gísli Hallgrímsson (Ísland) varði skot Í innkast og Ungverjar halda boltanum. 13 6 : 7 - Elliði Snær Viðarsson (Ísland) skoraði mark Aron með glæsilega línusendingu og nú skorar Elliði. 12 5 : 7 - Bence Imre (Ungverjaland) skoraði mark Úr hægra horni og Ungverjar tveimur yfir. 12 Kristóf Palasics (Ungverjaland) ver víti Frá Ómari Inga. Enn eru Íslendingar að fara illa með dauðafæri. 12 Bence Bánhidi (Ungverjaland) rautt spjald Einn allra besti línumaður heims fær beint rautt. Þetta gæti breytt gangi leiksins. 12 Gísli Þorgeir Kristjánsson (Ísland) fiskar víti Bence Bánhidi fer illa í hann. Dómararnir ætla að skoða þetta í VAR. Einn besti leikmaður Ungverja gæti verið að fá rautt spjald. 11 5 : 6 - Zoltán Szita (Ungverjaland) skoraði mark Skot fyrir utan. Viktor ekki alveg að finna sig í markinu. 11 Elliði Snær Viðarsson (Ísland) á skot í slá Nær frákastinu en í gólfið og slána. Illa farið með gott færi. 11 Kristóf Palasics (Ungverjaland) varði skot 10 Textalýsing Sipos er eitthvað vankaður. Hann sest niður og hvílir sig í bili hið minnsta. 10 Textalýsing Leikurinn er stöðvaður á meðan Adrián Sipos fær aðhlynningu. Hann rakst harkalega í Elliða, sem varð ekki meint af. 10 Kristóf Palasics (Ungverjaland) varði skot Aron nær frákastinu og sóknin heldur áfram. 9 5 : 5 - Gábor Ancsin (Ungverjaland) skoraði mark Þarna átti Viktor að gera betur. Var laust og eiginlega beint á hann. 9 5 : 4 - Bjarki Már Elísson (Ísland) skoraði mark Eftir góða sendingu Arons aftur fyrir sig. 8 Ungverjaland tapar boltanum Leiktöf. Góð íslensk vörn. 7 Kristóf Palasics (Ungverjaland) varði skot Frá Aroni sem var í góðu færi. 7 4 : 4 - Bence Imre (Ungverjaland) skoraði mark Tekur frákastið og jafnar. 7 Viktor Gísli Hallgrímsson (Ísland) varði skot Frá Ancsin sem skaut fyrir utan. 6 4 : 3 - Sigvaldi Björn Guðjónsson (Ísland) skoraði mark Eftir eldsnögga sókn. Ísland yfir í fyrsta skipti. 6 Ungverjaland tapar boltanum 5 3 : 3 - Elliði Snær Viðarsson (Ísland) skoraði mark Viljið þið gíska á hvernig þetta mark var? Frá miðlínunni, að sjálfsögðu! 5 2 : 3 - Gábor Ancsin (Ungverjaland) skoraði mark Negla fyrir utan. 4 2 : 2 - Ómar Ingi Magnússon (Ísland) skorar úr víti Öruggur og jafnar. 4 Bence Bánhidi (Ungverjaland) fékk 2 mínútur Elliði gerir glæsilega í að leika á hann og Bánhidi togar hann svo niður. 4 Elliði Snær Viðarsson (Ísland) fiskar víti 4 1 : 2 - Gábor Ancsin (Ungverjaland) skoraði mark Svarar strax. 4 1 : 1 - Bjarki Már Elísson (Ísland) skoraði mark Hraðaupphlaup og Ísland er komið á blað. 3 Ómar Ingi Magnússon (Ísland) skýtur framhjá Laumst og framhjá. Slakt skot. 3 0 : 1 - Máté Lékai (Ungverjaland) skoraði mark Sækir á vörnina og neglir boltanum í netið. 2 Ísland tapar boltanum Leiktöf eftir langa og slaka sókn. 1 Leikur hafinn Ísland byrjar með boltann. Bjarki, Gísli, Aron, Ómar, Sigvaldi og Elliði. Viktor í marki. 0 Textalýsing Ísland leikur í hvítu þriðja leikinn í röð. Vonum að bláu treyjurnar hafi ekki gleymst heima. 0 Textalýsing Þjóðsöngvarnir eru nú spilaðir og að vanda er gríðarlega vel sungið með þeim íslenska. 0 Textalýsing Ári fyrr vann Ísland 31:30-sigur í Búdapest og fór í milliriðil á kostnað ungverska liðsins sem var mikið áfall fyrir heimamenn. 0 Textalýsing Ísland var með 25:19-forskot þegar 20 mínútur voru eftir af leik liðanna á HM á síðasta ári. Ungverjaland vann lokakaflann 10:3 eftir 5:0 kafla í lokin. 0 Textalýsing Þau mættust síðast á HM fyrir ári síðan. Ísland var með gott forskot stóran hluta leiks, en leikur íslenska liðsins hrundi undir lokin og Ungverjar tóku fram úr. Ísland vann hins vegar 31:30 þegar þau mættust í Búdapest á EM fyrir tveimur árum. 0 Textalýsing Þessar þjóðir þekkja hvora aðra orðið ansi vel á handboltavellinum. Hafa þau mæst ellefu sinnum frá aldamótum. Ungverjaland er með sex sigra í þeim leikjum, Ísland fjóra og einu sinn hafa þau skilið jöfn. 0 Textalýsing Það eru tvær breytingar á leikmannahópi Íslands frá leiknum við Svartfjallaland. Haukur Þrastarson og Kristján Örn Kristjánsson koma inn í liðið. Óðinn Þór Ríkharðsson og Einar Þorsteinn Ólafsson eru utan hóps. 0 Textalýsing Ísland er öruggt í milliriðil, þar sem Svartfjallaland vann 30:29-sigur á Serbíu. Nú er bara spurning hve mörg stig íslenska liðið tekur með sér í milliriðil, tvö, eitt eða ekkert. 0 Textalýsing Sigurliðið í dag endar í toppsæti riðilsins og fer með tvö stig í milliriðil. Ungverjar eru öryggir áfram og Íslandi sömuleiðis ef Serbía nær ekki að vinna Svartfjallaland í leik sem byrjar klukkan 17. 0 Textalýsing Gott kvöld og verið velkomin með mbl.is í beina textalýsingu frá leik Íslands og Ungverjalands í C-riðli á EM karla í handbolta. Sjá meira Sjá allt Dómarar: Bojan Lah og David Sok, Slóveníu Gangur leiksins: 3:3, 5:5, 7:8, 9:10, 10:13, 13:15, 15:19, 18:23, 18:25, 19:26, 25:33. Lýsandi: Jóhann Ingi Hafþórsson Völlur: Ólympíuhöllin í München Áhorfendafjöldi: 12.128 Ísland: Björgvin Páll Gústavsson (M), Viktor Gísli Hallgrímsson (M). Janus Daði Smárason, Aron Pálmarsson, Viggó Kristjánsson , Bjarki Már Elísson, Elvar Örn Jónsson, Gísli Þorgeir Kristjánsson , Ýmir Örn Gíslason , Ómar Ingi Magnússon, Elliði Snær Viðarsson, Arnar Freyr Arnarsson, Sigvaldi Björn Guðjónsson, Kristján Örn Kristjánsson, Haukur Þrastarson, Stiven Tobar Valencia. Ungverjaland: Kristóf Palasics (M), Lázló Bartucz (M). Adrián Sipos, Bendegúz Bóka, Patrik Ligetvári, Dominik Máthé, Gergö Fazekas, Bence Bánhidi, Zoltán Szita, Gábor Ancsin, Richárd Bodó, Zoran Ilic, Miklós Rosta, Máté Lékai, Egon Hanusz, Bence Imre.

• 1 blogg um frétt­ina

Bloggað um frétt­ina

• Ómar Ragn­ars­son: "Eigi skal gráta Björn bónda, held­ur safna liði"?