Eggert á Upton Park

Eggert Magnús­son formaður KSÍ var form­lega kynnt­ur til sög­unn­ar sem nýr meiri­hluta­eig­andi í enska úr­vals­deild­arliðinu West Ham í morg­un. Nú stend­ur yfir blaðamanna­fund­ur í höfuðstöðvum fé­lags­ins á Upt­on Park en fram hef­ur komið að Alan Par­dew verður áfram knatt­spyrn­u­stjóri fé­lags­ins. Eggert verður stjórn­ar­formaður West Ham og Björgólf­ur Guðmunds­son, formaður bankaráðs Lands­banka Íslands, sem er helsti bak­hjarl í kaup­um Eggerts á Lund­únaliðinu, verður heiðurs­for­seti fé­lags­ins.

Fé­lag í eigu Eggerts og Björgólfs greiðir 85 millj­ón­ir punda, jafn­v­irði 11,4 millj­arða króna, fyr­ir 83% hlut í fé­lag­inu og að auki yf­ir­taka kaup­end­ur vænt­an­lega 22,5 millj­óna punda skuld­ir fé­lags­ins en þær jafn­gilda rúm­um 3 millj­örðum króna. Kaup­end­ur skuld­binda sig jafn­framt til að kaupa nýja leik­menn fyr­ir ótiltekna upp­hæð. Stjórn West Ham samþykkti til­boð Eggerts í hluta­bréf­in í morg­un og mun mæla með því við aðra hlut­hafa að þeir taki til­boðinu.

Á vef breska dag­blaðsins Times, Time­son­line, kem­ur fram að Sig­hvat­ur Bjarna­son, sem áður var fra­kvæmda­stjóri Vinnslu­stöðvar­inn­ar, sé á meðal fjár­festa. Í frétt Times kem­ur fram að Sig­hvat­ur hafi hagn­ast á sjáv­ar­út­vegi og að hann sé aðdá­andi West Ham liðsins. Auk þess er greint frá því að Sig­hvat­ur hafi verið val­inn maður árs­ins í ís­lensku viðskipta­lífi árið 1994.

Sjá einnig Enski bolt­inn