Pardew segist stoltur af störfum sínum

Alan Pardew segist stoltur af störfum sínum hjá West Ham en honum var í dag sagt upp störfum hjá Lundúnarliðinu eftir þriggja ára starf. Undir stjórn Pardews komst liðið upp í úrvalsdeildina og komst í bikarúrslitin á síðustu leiktíð þar sem liðið tapaði fyrir Liverpool.

,,Ég er stoltur af stöfum mínum fyrir West Ham. Þegar ég tók við liðinu var það í vandræðum í 1. deildinni en á tveimur árum kom ég liðinu tvívegis í úrslit um sæti í úrvalsdeildinni og liðið varð í níunda sæti í úrvalsdeildinni og komst í bikarúrslit. Ég vil óska nýja stjórnarformanninum Eggerti Magnússyni og félaginu velfarnaðar í framtíðinni," segir Pardew meðal annars í yfirlýsingu á heimasíðu West Ham.

Sjá einnig Enski boltinn

• 1 blogg um fréttina

Bloggað um fréttina

• Páll Vilhjálmsson: Hæpið að reka Pardew