Jafntefli á White Hart Lane

Fyrri undanúr­slita­leik Arsenal og Totten­ham í enska deilda­bik­arn­um í knatt­spyrnu lauk nú rétt í þessu og lyktaði hon­um með jafn­tefli, 2:2. Liðin mæt­ast aft­ur á Emira­tes Stadi­um eft­ir viku og þá mun koma í ljós hvort þeirra mæt­ir Chel­sea í úr­slita­leik keppn­inn­ar.

Totten­ham hóf leik­inn bet­ur og komst í 1-0 eft­ir 13 mín­útna leik þegar að Dimit­ar Ber­batov skoraði með skalla. Hann spilaði þó ekki lengi eft­ir það, því að 5 mín­út­um síðar fór hann útaf meidd­ur. Það kom þó ekki í veg fyr­ir að Totten­ham kæm­ist í 2-0, Tom Hudd­lest­one tók auka­spyrnu frá vinstri sem að Ju­lio Bapt­i­sta fékk í hæl­inn og bolt­inn hafnaði þaðan í netið.

Bapt­i­sta bætti fyr­ir sjálfs­markið með tveim­ur mörk­um í síðari hálfleik. Það fyrra kom á 64. mín­útu eft­ir þrí­hyrn­ingspil við Theo Walcott. Jöfn­un­ar­markið kom svo 13 mín­út­um síðar, Just­in Hoyte gaf fyr­ir frá hægri og Bapt­i­sta var fyrst­ur í bolt­ann og setti hann í netið.

Babt­i­sta er þar með bú­inn að skora 6 mörk fyr­ir Arsenal í tveim­ur síðustu leikj­um Arsenal í keppn­inni, en hann gerði fjög­ur mörk þegar að liðið vann Li­verpool 6-3 í 8-liða úr­slit­um.

• 1 blogg um frétt­ina

Bloggað um frétt­ina

• Ingi­björg Hinriks­dótt­ir: Flott hjá mín­um mönn­um