Ronaldo stendur sig best

Cristiano Ronaldo, Portú­galski landsliðsmaður­inn í liði Manchester United, hef­ur staðið sig best allra leik­manna í ensku úr­vals­deild­inni það sem af er sam­kvæmt út­reikn­ing­um Actim, sem held­ur utan um frammistöðu allra leik­manna í deild­inni og reikn­ar út ein­kunn­inn­ir þeirra fyr­ir hina ýmsu þætti eft­ir hvern leik.

Ronaldo hef­ur skorað 15 mörk í úr­vals­deild­inni og er marka­hæst­ur í deild­inni ásamt Didier Drogba, Chel­sea, og þá hef­ur Ronaldo verið iðinn við að leggja upp mörk fyr­ir fé­laga sína. Drogba og fé­lagi hans í liði Chel­sea, Frank Lamp­ard, koma næst­ir á eft­ir Ronaldo á list­an­um yfir þá bestu.

Ívar Ingimars­son, Rea­ding, er sem fyrr eini Íslend­ing­ur­inn sem kemst á topp 100 manna list­ann en Ívar, sem hef­ur leikið hverja ein­ustu mín­útu með Rea­ding í úr­vals­deild­inni á tíma­bil­inu, er í 70. sæti.

Topp tíu list­inn lít­ur þannig út:

Ronaldo, Man.Utd. 466
Didier Drogba, Chel­sea 464
Frank Lamp­ard, Chel­sea 458
Ga­ret Barry, Ast­on Villa 419
Steve Finn­an, Li­verpool 403
Wayne Roo­ney, Man.Utd. 388
El-Hadji Di­ouf, Bolt­on 382
Benni McCart­hy, Blackburn 373
Rio Fer­d­inand, Man.Utd. 367
Gary Neville, Man.Utd. 361

• 1 blogg um frétt­ina

Bloggað um frétt­ina

• Rún­ar Hauk­ur Ingimars­son: Hverj­ir eru best­ir ?