Ferguson var farinn að búa sig undir framlengingu

Sir Alex Ferguson knattspyrnustjóri Manchester United sagði eftir sigur sinna manna á Reading í bikarkeppninni í kvöld að hann hafi verið farinn að undirbúa sig undir framlengingu. Reading sótti linnulítið á lokamínútunum og var hársbreidd frá því að jafna metin í 3:3 þegar Brynjar Björn Gunnarsson skaut í slánna.

,,Við fengum bestu byrjun sem ég hef séð liðið fá en markið sem Kitson skoraði gaf Reading von. Við áttum mjög undir högg að sækja í seinni hálfleik og eftir að þeim tókst að skora annað markið þá hélt ég að leikurinn færi í framlengingu. Það stefndi allt í það," sagði Ferguson.

,,Þetta var versta möguleika byrjun sem við gátum fengið. Við töluðum um að byrja vel og gefa fá færi á okkur en það leið ekki á löngu að staðan var orðin, 3:0. Leikmenn mínir sýndu frábæran liðsanda og seinni hálfleikurinn hjá liðinu var magnaður og ég get ekki annað er verið stoltur af þeim," sagði Steve Coppell, stjóri Reading.

• 1 blogg um fréttina

Bloggað um fréttina

• Rúnar Haukur Ingimarsson: Magnað lið