Eggerti barst dularfullt bréf

Breska blaðið Daily Mail greinir frá því í dag að Eggeti Magnússyni, stjórnarformanni West Ham, hafi borist dularfullt bréf á Upton Park í gær sem innihélt hvít efni. Lögregla kom á vettvang þar sem grunur lék á að í umslaginu væri miltisbrandur og beindist grunur að reiðum stuðningsmanni West Ham.

Í ljós kom að ekki var um miltsbrand að ræða í umslaginu né nokkurt eiturefni heldur reyndist umslagið innihalda baðsölt og var sent til Eggerts frá grískum munki. Munknum fannst Eggert þurfa á baðsaltinu að halda til að geta slakað á en eins og gefur að skilja hefur Eggert ekki setið rólegur í formannsstólnum þar sem gengi hans manna undanfarnar vikur hefur verið hræðilega slakt og liðið á hraðri leið niður í 1. deildina.

• 3 blogg um fréttina

Bloggað um fréttina

• Gúrúinn: Grískur munkur og baðsölt
• Júlíus Garðar Júlíusson: West Ham fellur ekki....
• Sverrir Þorleifsson: Ég vissi það..