Íþróttir | Enski boltinn | mbl | 31.3.2007 | 14:58

Man.Utd. undir gegn Blackburn

Matt Derbyshire skoraði mark Blackburn. AP

Óvænt staða er í leik Manchester United og Blackburn í ensku úrvalsdeildinni. Þegar flautað hefur verið til hálfleiks á Old Trafford eru gestirnir yfir, 0:1. Matt Derbyshire skoraði markið á 29. mínútu af stuttu færi. Rétt áður var Nemanja Vidic borinn af velli vegna axlarmeiðsla.

Íslendingaliðið West Ham er 2:0 yfir gegn Middlesbrough. Bobby Zamora skoraði markið eftir aðeins tveggja mínútna leik og Carlos Tevez bætti við öðru á lokamínútu hálfleiksins.

Fulham er 0:1 undir gegn Porsmouth á Craven Cottage. Niko Kranjcar skoraði markið á 4. mínútu með frábæru spyrnu.

Markalaust er hjá Charlton og Wigan, Newcastle og Manchester City og hjá Bolton og Sheffield United.