West Ham ekki sloppið?
Setja bókamerki
Sheffield United sem féll úr úrvalsdeildinni í gær eftir ósigurinn gegn Wigan ætlar að leita eftir stuðningi hjá félögum í úrvalsdeildinni til að höfða mál gegn West Ham vegna mála Argentínumannanna Carlos Tévez og Javier Mascherano sem West Ham stóð rangt að þegar það fékk þá í sínar raðir.
Forráðamenn frá Wigan, Fulham, Charlton, Middlesbrough og Sheffield United segja að West Ham hefði átt að missa stig fyrir að standa ólöglega að félagaskiptum Argentínumannanna en West Ham fékk hæstu peningasekt sem félag á Englandi hefur fengið en hélt stigum sínum.
Kevin McCabe stjórnarformaður Sheffield United segist vonast til þess að fleiri félög í úrvalsdeildinni bætist í hópinn sem vilja hefja málrekstur gegn West Ham en nokkrir formenn félaganna ætla að hittast á fundi í dag og ráða ráðum sínum. West Ham tókst að bjarga sér frá falli með sigri á Manchester United í gær en Sheffield United, Charlton og Watford féllu. Carlos Tévez átti ekki síst stóran þátt í að West Ham tókst að bjarga sér en hann skoraði 7 mörk í þeim tíu leikjum sem hann spilaði í.
Hópur fólks reyndi að komast að eldgosinu
Hentugt gos fyrst gýs á annað borð
Viðræður ekkert þokast frá því á þriðjudag
Reiðubúin að aflýsa verkföllum í fjórum leikskólum
Rússar sagðir útvega N-Kóreu milljón olíutunnur
Pútín reynir allt til að forðast aðra herkvaðningu
Ekki vandamál að vera karlmaður