Eggert bjartsýnn á að halda Tévez

BBC hafði eftir Eggerti Magnússyni, stjórnarformanni enska knattspyrnufélagsins West Ham, í dag að hann væri bjartsýnn á að halda Carlos Tévez í röðum félagsins. Tévez sagði á fréttamannafundi í heimalandi sínu, Argentínu, að sér þætti tímabært að ganga til liðs við eitthvert af stórliðum Evrópu.

„Við munum reyna að sannfæra Tévez um að halda áfram með okkur. Stuðningsmenn okkar elska hann, og það veit hann vel. Ég er bjartsýnn á að hann verði um kyrrt og býst við því að við ræðum málið eftir tvær vikur þar sem Carlos er sem stendur í Argentínu," sagði Eggert.

• 1 blogg um fréttina

Bloggað um fréttina

• Norðanmaður: Of góður fyrir West Ham