Owen ánægður með endurkomuna

Michael Owen segist vera í góðu formi og vonast eftir því að verða valinn í enska landsliðshópinn sem mætir Brasilíumönnum og Eistum í næsta mánuði. Owen átti endurkomu með enska landsliðinu í kvöld þegar hann lék með B-landsliðinu í 3:1 sigri á Albönum en framherjinn knái er nýkominn aftur á ferðina eftir langvarandi meiðsli.

,,Mér finnst ég vera kominn í gott form. Ég átti eitt gott færi í fyrri hálfleik en skaut rétt framhjá en ég var mjög sáttur við minn leik. Ég er ánægður með að hafa náð að spila í 90 mínútur og ég tel mig reiðubúinn að spila leikina í tvo í næsta mánuði. Ég finn ekkert til í hnénu og því fleiri leiki sem ég spila því betra leikform kemst ég í," sagði Owen en 11 mánuðir voru liðnir frá því hann klæddist landsliðstreyjunni síðast.

• 1 blogg um fréttina

Bloggað um fréttina

• Gísli Foster Hjartarson: Að komast í leikform