Anderson og Nani á leið til Manchester United
Setja bókamerki
Ensku meistararnir í knattspyrnu, Manchester United, staðfestu á vef sínum í kvöld að gengið hefði verið frá samningum við tvo bráðefnilega leikmenn, brasilíska miðjumanninn Anderson frá Porto og portúgalska kantmanninn Nani frá Sporting Lissabon. Piltarnir ættu aðeins eftir að gangast í gegnum læknisskoðun og önnur formsatriði hjá félaginu.
Anderson er 19 ára gamall og kom til Porto frá Gremio í Brasilíu í árslok 2005. Hann er ekki í landsliðshópi Brasilíu sem mætir Englandi á föstudagskvöldið en er hinsvegar í þeim hópi sem landsliðsþjálfarinn Dunga hefur tilkynnt fyrir Ameríkubikarinn sem fer fram í Venesúela í næsta mánuði.
Nani er tvítugur og hefur oft verið líkt við landa sinn Cristiano Ronaldo vegna hraða síns og leikni. Hann hefur spilað fimm A-landsleiki fyrir Portúgal og skorað eitt mark.
/frimg/1/53/8/1530844.jpg)
Myndir: Náttúrulegur þröskuldur að taka við
Mæðgur dæmdar til að greiða 64 milljónir
Drónamyndskeið frá hápunkti gossins í nótt
Hraunið náð Njarðvíkuræð: Fylgjast með raflínu
Líklega komin á seinni hluta hrinunnar í Svartsengi
Litlar líkur á að hraunið nái til mannvirkja
Hraunið við bílastæði Bláa lónsins
Börn hafi engan rétt á leikskólakennslu