Liverpool með tilboð í Ryan Babel

Enskir fjölmiðlar segja í dag að Liverpool hafi gert hollenska knattspyrnufélaginu Ajax tilboð í kantmanninn efnilega Ryan Babel. Tilboðið hljóði uppá 6,75 milljónir punda, um 835 milljónir króna, og með því sé útlit fyrir að Liverpool skjóti Arsenal og Newcastle ref fyrir rass í baráttunni um leikmanninn.

Babel er 20 ára og vakti mikla athygli með 21-árs landsliði Hollands í úrslitakeppni Evrópumótsins í síðasta mánuði. Hann er talinn eitt mesta efni Hollendinga í mörg ár og er þegar kominn í A-landsliðið og skoraði í sínum fyrsta leik þar, gegn Rúmenum í mars.

• 1 blogg um fréttina

Bloggað um fréttina

• Magnús Geir Guðmundsson: Fljótt skipast...