Aston Villa lagði Chelsea að velli

Aston Villa sigraði Chelsea, 2:0, í síðasta leik helgarinnar í ensku úrvalsdeildinni í knattspyrnu í dag. Chelsea tapaði þar með sínum fyrsta deildaleik síðan í janúar og náði ekki að komast á toppinn. Liverpool, Arsenal, Everton og Chelsea eru nú efst og jöfn með 10 stig en Liverpool og Arsenal eiga leik til góða á hin tvö.

Fylgst var með leiknum í textalýsingu á mbl.is:

88. Gabriel Agbonlahor kom Aston Villa í 2:0 með viðstöðulausu skoti frá vítapunkti eftir snögga sókn og fasta sendingu frá Ashley Young inní vítateiginn.

48. Aston Villa hefur náð forystunni en miðvörðurinn hávaxni, Zat Knight, skoraði þá í sínum fyrsta leik fyrir félagið, 1:0.

Staðan er 0:0 í hálfleik.

15. Leikurinn á Villa Park byrjar mjög fjörlega og eftir stundarfjórðung hafa markverðir liðanna, Scott Carson hjá Villa og Petr Cech hjá Chelsea, þurft að taka á honum stóra sínum í tvígang.

Frank Lampard er ekki í liði Chelsea vegna meiðsla en Belletti og Alex eru í fyrsta sinn í byrjunarliði bikarmeistaranna í fyrsta sinn og þá er Claude Makelele í byrjunarliðinu í fyrsta sinn á tímabilinu.

• 4 blogg um fréttina

Bloggað um fréttina

• Úlfar Þór Birgisson Aspar: I love it.
• Magnús Geir Guðmundsson: Að skora mörk er málið!
• Gísli Foster Hjartarson: Enn er bið á sigri Chelsea....
• Ómar Ingi: Vissi að þeir myndu tapa stigi en stigum