Jóhannes Karl í leikbanni gegn Norður-Írum

Jóhannes Karl Guðjónsson verður í leikbanni þegar Íslendingar mæta Norður-Írum í undankeppni EM í knattspyrnu á Laugardalsvellinum á miðvikudagskvöldið, eins og fram kom í beinni lýsingu frá leiknum við Spánverja hér á mbl.is í kvöld.

Jóhannes Karl fékk sitt annað gula spjald í keppninni í leiknum í kvöld, á 36. mínútu, og þarf því að taka út eins leiks bann. Væntanlega kemur Eiður Smári Guðjohnsen inní hópinn í hans stað, annars Ásgeir Gunnar Ásgeirsson sem var utan hópsins sem 19. maður í leiknum í kvöld.

Það var Jóhannes Karl sem lagði upp mark Íslands gegn Spánverjum með hárnákvæmri og fastri fyrirgjöf frá hægri, sem Emil Hallfreðsson tók við og skallaði í mark Spánverja á glæsilegan hátt.

• 1 blogg um fréttina

Bloggað um fréttina

• Sigurður Elvar Þórólfsson: Blaðamannastúkan í banni!