Manchester United efst eftir stórsigur á Wigan

Manchester United komst í dag á topp ensku úr­vals­deild­ar­inn­ar í knatt­spyrnu með því að vinna mjög sann­fær­andi sig­ur á Wig­an, 4:0. Cristiano Ronaldo skoraði tvö mörk, Car­los Tévez og Wayne Roo­ney eitt hvor en öll mörk­in komu í síðari hálfleik.

Manchester United er þá komið með 20 stig eft­ir 9 leiki en Arsenal er með 19 stig eft­ir aðeins 7 leiki og mæt­ir Sund­erland á morg­un.

Manchester United varð fyr­ir áfalli eft­ir 20 mín­útna leik þegar miðvörður­inn sterki Nem­anja Vidic fór meidd­ur af velli. And­er­son kom í hans stað. Ekki bætti úr skák að John O'S­hea, sem færði sig í stöðu miðvarðar fyr­ir Vidic, meidd­ist rétt á eft­ir og fór af velli á 30. mín­útu. Danny Simp­son kom í hans stað. Staðan var 0:0 í hálfleik.

Car­los Tévez kom United yfir, 1:0, á 54. mín­útu eft­ir send­ingu And­er­sons frá hægri og Cristiano Ronaldo bætti við marki á 58. mín­útu með skalla eft­ir fyr­ir­gjöf frá Ryan Giggs. Ronaldo skoraði sitt annað mark, 3:0, á 76. mín­útu eft­ir fyr­ir­gjöf frá Wayne Roo­ney. Það var svo Roo­ney sjálf­ur sem skoraði á 82. mín­útu, 4:0, eft­ir fyr­ir­gjöf frá Danny Simp­son.

Lið Man.Utd: Kuszczak, Pique, Fer­d­inand, Vidic, Evra, Ronaldo, O'S­hea, Scho­les, Giggs, Roo­ney, Tévez.
Vara­menn: Heaton, And­er­son, Nani, Simp­son, Eag­les.

Lou­is Saha meidd­ist í upp­hit­un og er því ekki í hópi United í dag.

Lið Wig­an: Kirk­land, Melchiot, Boyce, Bramble, Kil­bane, Scharner, Brown, Sko­ko, Koumas, Ol­em­be, Bent.
Vara­menn: Pol­litt, Hall, Landza­at, Ag­hahowa, Valencia.

• 4 blogg um frétt­ina

Bloggað um frétt­ina

• Magnús Geir Guðmunds­son: Sig­ur með brögðum og tíma­bundið topp­sæti!
• Ómar Ingi: Ussss
• Krist­ín M. Jó­hanns­dótt­ir: Ekki merki­legt
• Sæ­dís Ósk Harðardótt­ir: Loks aft­ur þar sem þeir eiga heima