Martin Jol hættur með Tottenham

Martin Jol stjórnaði liði Tottenham í síðasta skipti í kvöld þegar liðið tapaði fyrir spænska liðinu Getafe, 1:2, á heimavelli í 1. umferð UEFA-bikarsins í knattspyrnu. Jol sagði starfi sínu lausu fyrir leikinn og greindu breskir fjölmiðlar frá því að Spánverjinn Juande Ramos þjálfari Sevilla hafði samþykkt að taka við liðinu.

Jol tók við liði Tottenham í nóvember 2004. Tottenham varð í fimmta sæti undir hans stjórn á síðustu leiktíð en á yfirstandandi leiktíð hefur hvorki gengið né rekið hjá því og hefur það aðeins unnið einn af tíu leikjum sínum í úrvalsdeildinni.

• 3 blogg um fréttina

Bloggað um fréttina

• Gísli Foster Hjartarson: Kemur spark áhugamönnum í opna skjöldu
• Ómar Ingi: Óvart!!
• Jónas Rafnar Ingason: Jol sagði upp fyrir leikinn