Cole getur spilað með Englandi gegn Króatíu

Avram Grant, knattspyrnustjóri Chelsea, hefur staðfest að bakvörðurinn Ashley Cole sé orðinn leikfær og geti leikið með enska landsliðinu gegn Króatíu í lokaleik þess í undankeppni EM í næstu viku.

Cole er þó ekki byrjaður að spila með Chelsea og tók ekki þátt í leik liðsins gegn Everton í ensku úrvalsdeildinni í gær. Þetta eru góðar fréttir fyrir Steve McClaren landsliðsþjálfara sem er án sterkra varnarmanna en miðverðirnir Rio Ferdinand og John Terry verða ekki með í leiknum. Ferdinand tekur út bann og Terry er meiddur.

• 1 blogg um fréttina

Bloggað um fréttina

• Valsarinn: Ég held...