Hargreaves ekki með gegn Austurríki

Owen Hargreaves miðvallarleikmaður í liði Manchester United getur ekki leikið með Englendingum þegar þeir mæta Austurríkismönnum í vináttuleik á Ernst Happel Stadion í Vín á föstudaginn. Meiðsli í hné eru enn að angra Hargreaves og er óvíst hvort hann verði búinn að ná sér fyrir leik Englendinga og Króata í undankeppni EM sem fram fer á Wembley í næstu viku.

Hargreaves var nýkominn aftur á ferðina með Englandsmeisturunum eftir að hafa verið frá keppni í fimm vikur og hann missti líka af fyrstu leikjum liðsins vegna meiðslanna.

• 2 blogg um fréttina

Bloggað um fréttina

• Kjartan Vídó: Vídó ekki heldur með
• Gísli Foster Hjartarson: Dómsdagur framundan