Van der Sar gerði nýjan samning

Hollenski markvörðurinn Edwin van der Sar hefur skrifað undir nýjan eins árs samning við Englandsmeistara Manchester United. Van der Sar, sem er 37 ára gamall, er nú samningsbundinn United til júní 2009 en hann gekk til liðs við Manchester-liðið frá Fulham í júní 2005.

„Við erum ánægðir að Edwin hafi gert nýjan samning. Hann er afar reynslumikill og hefur reynst félaginu ákaflega vel. Hann er okkar aðalmarkvörður þessa stundina og á möguleika að vera það áfram á næstu tímabil en Ben Foster snýr til baka eftir meiðsli svo það er útilit fyrir mikla samkeppni,“ sagði Sir Alex Ferguson, stjóri Manchester United.

• 1 blogg um fréttina

Bloggað um fréttina

• Guðmundur Benóný Baldvinsson: Van der Sar