Liverpool ræddi við Klinsmann
Jürgen Klinsmann er búinn að semja við Bayern.
Reuters
Setja bókamerki
Tom Hicks, annar eigenda Liverpool, staðfesti í dag að rætt hefði verið við Þjóðverjann Jürgen Klinsmann um möguleikana á því að hann tæki við sem knattspyrnustjóri af Rafael Benítez.
Sá möguleiki er ekki lengur til staðar þar sem Klinsmann samdi í síðustu viku við Bayern München um að taka þar við þann 1. júlí í sumar.
„Við reyndum að koma á samkomulagi, það átti að vera öryggisráðstöfun hjá okkur að fá hann til að taka við liðinu ef Benítez færi frá okkur til Real Madrid eða einhvers annars félags, eða ef samskipti okkar við hann færu úr böndunum, einhverrra hluta vegna," sagði Hicks í samtali við dagblaðið Liverpool Echo.
Þessar fregnir létta eflaust ekki lund Benítez, sem hefur átt í útistöðum við eigendur félagsins í vetur.
Tré brotnuðu og umferðarskilti lagðist á hliðina
Sleginn yfir grófri framkomu gegn fjölskyldunni
100 milljóna viðbragð
Telja sig geta rekið Grindavík til 2026
Önnur aurskriða við Eyrarhlíð
„Allt í rusli“ við brúargerð á Vestfjörðum