Woodgate til Tottenham

Jonathan Woodgate hefur ákveðið að ganga til liðs við Tottenham en miðvörðurinn sterki hefur verið á mála hjá Middlesbrough. Auk Tottenham reyndi Newcastle að fá Woodgate til liðs við sig en eftir fund með forráðamönnum Tottenham í dag ákvað leikmaðurinn að ganga í raðir Lundúnaliðsins.

Talið er að Tottenham greiði 8 milljónir punda fyrir Woodgate, rúman einn milljarð króna, en Woodgate kom til Middlesbrough á síðustu leiktíð eftir frekar misheppnaða veru hjá spænska stórliðinu Real Madrid.

Woodgate hefur þegar gengist undir læknisskoðun og hefur samið um kaup og kjör hjá Tottenham og hann gæti leikið sinn fyrsta leik með félaginu á miðvikudag þegar það mætir Everton.

• 1 blogg um fréttina

Bloggað um fréttina

• Sigurður Elvar Þórólfsson: Tognun í aftanverðu læri?