Megson geymdi peningana sem hann fékk fyrir Anelka

Gary Megson knattspyrnustjóri Bolton segist enn eiga eftir 15 milljónir punda, upphæðina sem félagið seldi Nicolas Anelka á til Chelsea, þrátt fyrir að hafa fengið Grétar Rafn Steinsson, Tamir Cohen, Matt Taylor og Gary Cahill í janúarglugganum.

„Þeir peningar sem við eyddum í janúarglugganum voru ekki þeir sem við fengum við söluna á Nicolas Anelka. Þeir eru í geymslu og koma að notum síðar," segir Gary Megson í viðtali við The Sun í dag.

Upphæðin 15 milljónir punda, um 2 milljarðar íslenskra króna, verður því til brúks fyrir Megson þegar félagaskiptaglugginn opnast á nýjan leik í sumar en lið Bolton hefur verið að rétta úr kútnum og vann sinn fyrsta útisigur í 10 mánuði þegar það lagði Reading um síðustu helgi.

• 1 blogg um fréttina

Bloggað um fréttina

• Jóhann Hannó Jóhannsson: Veitti nokkuð af að bæta aðeins við????