Brottvísun Bowyers felld niður

Áfrýjun West Ham á rauða spjaldinu sem Lee Bowyer, miðjumaður liðsins, fékk í leiknum við Birmingham í ensku úrvalsdeildinni á laugardaginn bar árangur því brottvísunin var felld niður í dag.

Bowyer fékk rauða spjaldið hjá Mark Clattenburg dómara undir lok leiksins fyrir meinta tveggja fóta tæklingu. Alan Curbishley knattspyrnustjóri West Ham mótmælti því strax og West Ham áfrýjaði spjaldinu formlega í gær.

Eftir að aganefnd knattspyrnusambandsins hafði skoðað atvikið af myndbandi varð niðurstaðan sú að brottvísunin hefði ekki átt rétt á sér og þar með þarf Bowyer ekki að taka út þriggja leikja bann, eins og annars hefði verið óumflýjanlegt.

• 1 blogg um fréttina

Bloggað um fréttina

• Gísli Sigurðsson: Spjaldaglaður dómari