Frábært að mæta Chelsea

Brian Howard fyrirliði Barnsley, sem skaut sínum mönnum áfram í bikarnum þegar hann skoraði gegn Liverpool með einni af síðustu spyrnum leiksins, segir frábært að hafa dregist á móti Chelsea í 8-liða úrslitum bikarkeppninnar.

„Þetta er önnur hreint ótrúleg viðureign sem við eigum í vændum. Við fórum til Anfield og náðum að hafa betur gegn nokkrum af bestu fótboltamönnum heims og nú fáum við aðra prófraun. Titilhafarnir koma til okkar til að verja sinn titil en við ætlum að standa uppi í hárinu á þeim, sagði,“ Howard við Sky Sports.

• Blogga um frétt