Brown hafnaði United í þriðja sinn
Setja bókamerki
Wes Brown varnarmaður Manchester hefur í þriðja sinn hafnað samningstilboði frá félaginu og bendir allt til þess að hann yfirgefi félagið í sumar þegar samningur hans við Englandsmeistarana rennur út.
Forráðamenn United hafa boðið Brown 40.000 pund í vikulaun en laun í hans í dag nema 30.000 pundum. Brown hefur hins vegar hafnað þessu boði og líklegt er að hann fari frá félaginu í sumar en hann hefur leikið allan sinn feril með United.
„Þetta er í hans höndum en ekki okkar. Við höfum gert Brown lokatilboð en það virðist sem svo að umboðsmaður hans hafi tekið völdin og leikmenn í dag eru eiginlega komnir í vasann á umboðsmönnum. Wes hefur verið hjá okkur frá því hann var 12 ára gamall en það viðist ekki skipta máli þessa dagana,“ segir Sir Alex Ferguson knattspyrnustjóri Manchester United sem er allt annað en ánægður með að Brown hafi ekki ritað nafn sitt undir nýjan samning.
Einar skorar á næstu ríkisstjórn
Tekist á um áður óþekkta skýrslu landlæknis
Hraunið náð Njarðvíkuræð: Fylgjast með raflínu
Mjög alvarlegt ef Njarðvíkuræð gefur sig
Borgin verður af milljörðum eftir dóm Hæstaréttar
Átti ekki að láta pirring bitna á sjúklingi
Erlendir miðlar greina frá tíunda gosinu
Úlfar: Heppileg tímasetning á gosinu