Forseti Lyon óhress með Alex Ferguson
Setja bókamerki
Jean-Michel Aulas, forseti franska félagsins Lyon, er allt annað en sáttur við Sir Alex Ferguson, knattspyrnustjóra Manchester United. Ástæðan er áhugi Fergusons á Karim Benzema, framherja Lyon.
Félögin gerðu 1:1 jafntefli í fyrri leik liðanna í 16-liða úrslitum Meistaradeildarinnar á dögunum. Þar skoraði Benzema glæsilegt mark og átti fínan leik.
Sagan segir að United hafi áhuga á að fá þennan tvítuga sóknarmann í sumar, en Aulas er ekki sáttur og segir að United hafi sett óþarfa þrýsting á hinn unga leikmann með því að lýsa yfir áhuga á honum.
„Ef Lyon sýnir einhverjum leikmanni í frönsku deildinni áhuga þá verður allt vitlaust og menn tala um hneyksli. En þegar United sýnir okkar manni áhuga rétt fyrir mikilvægan leik liðanna þá þykir engum það athugavert,“ sagði Aulas við Daily Mirror.
Ökumaður í símanum valdur að umferðarslysi
Vegirnir voru eins og borðstofuborð
Pútín reynir allt til að forðast aðra herkvaðningu
Þarf að koma til móts við ólíkar þarfir lækna
Gasmengun gæti borist yfir höfuðborgarsvæðið
Flestir sem hvergi finnast koma frá Sómalíu
Varnargarðar hækkaðir um 3 til 4 metra
„Við höldum áfram þangað til við erum búin“