Steve Coppell: Áttum að fá vítaspyrnu
Setja bókamerki
Steve Coppell knattspyrnustjóri Reading var ósáttur út í dómarann eftir tap sinna manna gegn Liverpool, 2:1, á Anfield í dag. Reading komst yfir í leiknum en Javier Mascherano og Fernando Torres náðu að tryggja Liverpool sigurinn.
„Við áttum klárlega að fá vítaspyrnu þegar boltinn fór í hendina á Gerrard inni í teignum. Ég var hundfúll með dekkninguna þegar Torres skoraði sigurmarkið. Ef þú leyfir honum að leika lausum hala í teignum þá skorar hann. Við bara stóðum og horfðum á,“ sagði Coppell.
„Við þurftum að hafa fyrir þessum sigri og ég átti alveg eins von á því. Það var gaman að sjá Mascherano skora. Við höfum hvatt hann til að skjóta meira og hann tók okkur á orðinu. Þá var ánægjulegt að sjá Torres skora enn eitt markið. Hann hafði ekki mikið svigrúm í leiknum en skoraði samt,“ sagði Rafael Benítez knattspyrnustjóri Liverpool.
Dæla, kæla og verja mikilvæg mannvirki
Falskur fyrirvari á auglýsingum Höllu
Íslensk kona handtekin á Tenerife eftir líkamsárás
Koma fyrstu tölur á sunnudagskvöldið?
Formaðurinn útilokar ekki undirritun í kvöld
Ákærður fyrir stunguárás á menningarnótt
Vonir bundnar við morgundaginn
Hvatti kjósendur til þess að greiða ógild atkvæði