Robson til Manchester United
Setja bókamerki
Bryan Robson fyrrum fyrirliði Manchester United hefur verið ráðinn í starf hjá félaginu sem svokallaður alheims sendiherra. Robson, sem var látinn taka poka sinn sem knattspyrnustjóri Sheffield United í síðasta mánuði, mun starfa við hlið Sir Bobby Charlton fyrsta árið en Charlton hefur gengt starfinu undanfarin ár.
Robson gekk í raðir Manchester United árið 1981. Hann lék 434 leiki með liðinu og skoraði í þeim 97 mörk. „Ég átti bestu, ánægjulegustu og eftirminnilegustu árin á ferli mínum á Old Trafford og það verður frábært að koma aftur og taka þátt í enn meiri velgengni félagsins,“ segir Bryan Robson.
Robson varð tvívegis Englandsmeistari með Manchester United en hann yfirgaf félagið 1994 þegar hann gerðist leikmaður og knattspyrnustjóri hjá Middlesbrough.
Vinna hefst í dag við að reisa undirstöður
Börnin eiga að ýta við foreldrum sínum
Unnið að hraunkælingu allan sólarhringinn
Dæla, kæla og verja mikilvæg mannvirki
Sendi nektarmyndir af dreng sem hann passaði
Koma fyrstu tölur á sunnudagskvöldið?
Falskur fyrirvari á auglýsingum Höllu