Ronaldo: Eigum frábæra möguleika

Cristiano Ronaldo skoraði í kvöld sitt 36. mark á tímabilinu fyrir Manchester United þegar lið hans vann Roma, 2:0, á útivelli í Meistaradeild Evrópu. Hann sagði að liðið hefði alla burði til að verða Evrópumeistarar.

„Við eigum frábæra möguleika á  að vinna keppnina í ár. Liðið spilar stórkostlegan fótbolta og við höfum þroskast mikið. Ég held að þetta hafi verið góður skalli hjá mér í kvöld og er afar ánægður með að hafa skorað eitt mark í viðbót. En aðalmálið er samt að við unnum leikinn og frammistaða okkar var góð," sagði Ronaldo við fréttamenn í Rómarborg í kvöld en markið gerði hann með hörkuskalla á 39. mínútu eftir sendingu frá Paul Scholes.

Ronaldo lék að þessu sinni sem framherji, við hliðina á Wayne Rooney, sem innsiglaði sigurinn með marki á 67. mínútu, 2:0.

• 2 blogg um fréttina

Bloggað um fréttina

• Ólafur Tryggvason: Ronaldo = Jordan = Schumacher = Ali
• Brattur: Besta liðið í dag!