Spáir því að Rijkaard taki við Chelsea
Setja bókamerki
Pat Niven fyrrum leikmaður Chelsea býst við því að Frank Rijkaard þjálfari Barcelona taki við knattspyrnustjórastarfinu hjá Chelsea í sumar og leysi Ísraelann Avram Grant af hólmi.
Grant er undir miklum þrýstingi í kjölfar jafntefli Chelsea gegn Wigan í fyrrakvöld en með því missti Lundúnarliðið líklega af lestinni í baráttunni við Manchester United um Englandsmeistaratitilinn.
„Það kæmi mér ekki á óvart ef Frank Rijkaard yrði ráðinn til Chelsea í sumar,“ sagði Niven við fréttavef BBC en hann segir að Ítalinn Gianfranco Zola hljóti einnig að koma til greina í starfið.
Niven segir að Grant sé ekki hátt skrifaður hjá stuðningsmönnum Chelsea en þeir eru mjög ósáttir við að liðið tapaði fyrir Tottenham í úrslitum deildabikarsins, tapaði fyrir Barnsley í bikarnum og allt vitlaust varð á meðal stuðningsmannanna þegar Chelsea gerði 1:1 jafntefli við Wigan.
„Það var ótrúlega furðuleg ákvörðun Grant að hvíla Drogba og Carlvahlo í leiknum við Wigan en skrítnara var að hann geymdi Joe Cole á bekknum í fyrri hálfleik og spilaði Florent Malouda sem var gjörsamlega vonlaus,“ segir Nevin.
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Ekki vandamál að vera karlmaður
Dómur þyngdur um þrjú ár
Viðræður ekkert þokast frá því á þriðjudag
Pútín reynir allt til að forðast aðra herkvaðningu
Yfir 300 stæði fóru undir hraun