Vidic byrjaður að æfa á ný

Serbneski varnarmaðurinn Nemanja Vidic er byrjaður að æfa aftur með Manchester United eftir meiðsli og eru forráðamenn Englandsmeistaranna vongóðir um að geta teflt honum fram í leiknum gegn Blackburn á Ewood Park á laugardaginn.

Vidic hefur verið frá í síðustu þremur leikjum Manchester United vegna meiðsla sem hann hlaut í leiknum við Roma í Meistaradeildinni en hann mætti á æfingu í gær og er á góðum batavegi.

Þá hefur franski sóknarmaðurinn Louis Saha jafnað sig af meiðslum en hann hefur verið frá keppni síðasta mánuðinn.

• 1 blogg um fréttina

Bloggað um fréttina

• Ingólfur Birgir Sigurgeirsson: Besta miðvarðapar Englands að sameinast á ný