Brown mun gera nýjan samning við Man Utd

Nýr fjögurra ára samningur Wes Brown við Manchester United er í burðarliðnum og er reiknað með að varnarmaðurinn sterki skrifi undir samninginn á næstu tveimur vikum.

Núgildandi samningur Brown við Englandsmeistarana rennur út í sumar og fyrir nokkrum vikum sigldu samningaviðræður í strand en Brown fór fram á töluverða launahækkun sem forráðamenn United voru ekki tilbúnir að sættast á.

Að því er heimildir breska blaðsins Daily Mail herma er Manchester United nú reiðubúið að greiða Brown 60.000 pund í vikulaun sem jafngildir 8,8 milljónum króna og er við því búist að Brown skrifi undir samninginn eftir leikina við Barcelona í undanúrslitum Meistaradeildarinnar.

Wes Brown á hér í höggi við Florent Malouda í leik Manchester United og Chelsea. Reuters

• 2 blogg um fréttina

Bloggað um fréttina

• Ingólfur Birgir Sigurgeirsson: Wes Brown að skrifa undir nýjan fjögurra ára samning
• Gísli Foster Hjartarson: Ef satt er.....